حضرت رقیه سلام الله علیها

دیدی گزلین ده اولان دردون عیان اولدی منه 

نقدر عمر ایلسم آغلیارام گونده سنه

الغرض غسل ویریلدی او جلای وطنه

یتشوب مشگله ایش نوبه یتیشدی کفنه

دیدی غساله دوروبسوز نیه خلعت گتورون

کفنه فوری بوکوم مییتی یردن گوتورون

اسرای علویدن کسیلوب صبر و توان

دیه بیلموردیله واضح کفنه یوخدی گمان

بوینی چگننده هامی زینبه باخدی نگران

ایش قالوبدور سنه ای عمه صدیقه نشان

دیدی شرمنده منی ایتدی فلک قارداشدان

اولمادی چاره قرا معجرین آچدی باشدان

دیدی غساله قناعت ایله بو معجره سن

قاره بختون  گرک اولسون کفنی قاره کفن

بیلورم آق گیونور رسمیدی هر قبره گیدن

نیلیور خلعت پر قیمتی بو الده ئولن

قاره پیچ ایتدون ایلیکه گویرن قامتینی

باغلاما بندینی قوی یرده اوپوم صورتینی

شاعر : ناشناس ؟؟؟