• جمعه 10 فروردین 03


بایاتیلار - من بير قیزام ... -( من بير قیزام زمانه سیه پوش ائدیب منی )

3251
3

حضرت رقیه سلام الله علیها

من بير قیزام ...

بایاتیلار

 

من بير قیزام زمانه سیه پوش ائدیب منی

گوزدن سالیب دی درده هم آغوش ائدیب منی

هر غصه بير یانا، بو غمه من چوخ آغلارام

چوخ ایستین بی بیمده فراموش ائدیب منی

 

من بير قیزام ایشم یتشوبدرور یامان یره

گوگدن زمانه وُردی منی بی امان یره

وار علتی گلایمی گر عمه مه دییم

چارم ندور همیشه باخار گوز اُومان یره

 

من بير قیزام سالیبدی فلک دام دشمنه

کوچ ایلیوبدی قافله میز کول قالیب منه

ای عالمی گورن گوزه گورسنمین اوزی

آچ بنده وه فرج قاپوسین ايش قالیب سنه

 

من بير قیزام گئجیله منه يوخ آچان قاپی

آغلار منيم ملالیمه یارب یان قاپی

درد اهلنه هامی قاپیلار باغلانار گئجه

تک بير سنوندی یوزلره باغلانمیان قاپی

 

من بير قیزام اورکده سانا گلمین غمی

چول قورخسی سالیب دی منيم تنگه سینمی

ای گوندوزی گئجه، گئجه نی گوندوز ایلین

سندن من ایندی ايستیورم زینب عمه می

 

من تک زمانه هیچ کیمی جبریله یخمادی

قلبین سالوب فشاره عداوتله سیخمادی

قیز خیلاقی، قراگئجه، یول چوخ،اوزومده تک

باخ قاره بختیمه، بوگئجه آيدا چیخمادی

 

قورخی دولوبدی قلبیمه تیترور دوداقلاریم

فکر عالمینده سسلنور هردم قولا قلاریم

یولار تیکانیدی، داشدی، اوزومده ایاق یالین

راحت قویا نمورام یره گوینور ایاقلا ريم

 

قلبیم کیمی ستم اوخی هیچ قلبی دلمه دی

گوز یاشیمی گورب فلکین رحمی گلمدی

گوزدن دوشن کیمی بیله دوشدوم قطاریدن

باخدیم دالیجا دردیمی عمم ده بیلمه دی

 

من آسمان عزتین آیدین سهیلیم

دل واپسم قرا گئجه می گوندوز ایلیم

سوز يوخ بابام اوزو منی تاپشردی عمه مه

قلبیم سینوبدی هر ایکی سیندن گلیلیئم

 

گللر خزان گورنده سولارمیش منيم کیمین

گوگده بلوط دولاندا دولارمیش منيم کیمین

اوز دردیمه گرگ من اوزوم آغلیام فقط

گوزدن دوشن گو گو لدن اولارمیش منيم کیمین

شاعر : ناشناس ؟؟؟

  • شنبه
  • 22
  • مهر
  • 1396
  • ساعت
  • 7:21
  • نوشته شده توسط
  • علی ببیرپور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران