• سه شنبه 6 آبان 99


ورود شام -( شام اهلی تماشایه چیخمیشدی هامی دلشاد )

2273
-1

ورود شام


شام اهلی تماشایه چیخمیشدی هامی دلشاد
عریان دوه نون اوسته قول باغلی باخور سجاد
بوینیندا آغیر زنجیر جسمینده یوخ استعداد
بیر شمع امامتدن آثاریدی واللهی


پروانه صفت یانمیش شمع رخ دلداره
شام اهلی سرور ایلر الده دف و نقاره
فرمان ستم یئتدی بو لشکر جراره
عباس ئولوب زینب بی یاریدی واللهی


بیر عده حنا یاخمیش بیر عده چالولار کف
راس شه مظلومان کشف ایلوری ان اعرف
پیغمبر خاتم دور گویا که مینوب رفرف
بو گل گل یکتادی بی خاریدی واللهی


محملده خانم قیزلار نی ده یارالی باشلار
پیشوازینه باشلارون کیم چیخدی چیخوب داشلار
باران کیمی جاریدی گوزدن یوزه قان یاشلار
گوزیاشی دئمه مثل انهاریدی واللهی


زینب او هیاهوده بیر فکر دقیق ائتدی
یوز دوتدی سر شاهه بیر رمز عمیق ائتدی
سولموش یوزینی قانلی یاش آخدی عقیق ائتدی
قان یاشیله ضم اولموش گلناریدی واللهی


گوز آچدی حسین باخدی اطرافه بو هی هی ده
اول شمری مسرت بار گوردی هوس ری ده
آوار بلندیلن قرآن اوخودی نی ده
شاهنشه مخلوق ابراریدی واللهی

شاعر : میرزا صادق بیضا

  • شنبه
  • 29
  • مهر
  • 1396
  • ساعت
  • 8:47
  • نوشته شده توسط
  • علی ببیرپور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران