چوخ ال ایاخ چالما ، قراریمی آلما
بیراز دا صبر ایله ، اود عالمه سالما
سینم ده سود یوخدی ، بو غم منه چوخدی
سو ایستمه اوغلوم ، که قیمتی اوخدی
کیمه دیوم دردیمی علی جان
هامی سوسوزدی اصغر
سویا یوخ امکان ، که باغلیوبدی ، بوگون فراتی لشگر
لای لای علی جان3 اصغر
خراش اولوب سینم ، قان اولدی دیرناقون
بو وضعیله حتمی اولوبدی اولماقون
دوداخلارین هرکیم گوروب کباب اولدی
ددی که قاره گون فقط رباب اولدی
گهی قوجاخدا رقیه لای لای
سسلر سنی اوشاخلار
گهی ده زینب دیه ر علی وای
آغلار سنی قوجاخلار
لای لای علی جان3 اصغر
شاعر : امین عبداللهیان
دانلود سبک- شنبه
- 29
- مهر
- 1396
- ساعت
- 11:31
- نوشته شده توسط
- ایدافیض
- شاعر:
-
امین عبداللهیان
ارسال دیدگاه