• پنج شنبه 9 فروردین 03


زبانحال امام (ع) در بالین حضرت ابوالفضل العباس (ع) -(ای تشنه لب قیزلاریمه)

4518
1

زبانحال امام (ع) در بالین حضرت ابوالفضل العباس (ع)


موسی آقایی اردبیلی

ای تشنه لب قیزلاریمه
                    سقا اباالفضلیم
یوخ بیر کسیم دور قالمیشام
                    تنها اباالفضلیم


عطشان قالوبدور خسته پر تیهولریم یاتما
دست خزانیلن سولوب مه رولریم یاتما
حسرتله گوز تیکمیش یولا آهولریم یاتما
ای شیرمرد عرصه هیجا اباالفضلیم


حق اوسته باتدون شوقیلن القانووه قارداش
بذل ایلیوبسن جانووی جانانووه قارداش
ایتدون عمل سن مو به مو پیمانووه قارداش
احسن دیدی ایمانووه زهرا اباالفضلیم


گلجک نیستاندان سسون روح وتنیم اسدی
میدانه قولسوز دوشمگون امیدیمی کسدی
آچ گوزلرون قارداشووی تک قویما بی کسدی
سنسیز منیم قلبیمده یوخ یارا اباالفضلیم


سوز عطشدن خیمه ده جیرانلاریم یاندی
الده سو جامی صف چوب قیزلار پریشاندی
اطفالیمون احوالینه زهراده گریاندی
ازبر اولوبدور دیللره گل یا اباالفضلیم


دور درد الینده زینب نالانی یاندیرما
قلبی سینان قارداشووی میداندا سیندیرما
قان ایچره یاتما رشتۀ امیدیمی قیرما
گورمز سنه تای دیدۀ دنیا اباالفضلیم


زلفی پریشان قیزلاریم ایثارووه قربان
حق اوسته تندن آیریلان قولارووه قربان
بیرگوز ایکی قول ایلدون دلدارووه قربان
حیدر مثالی غیرتی دریا اباالفضلیم


قویما منی تک عرصه ده روح روانیم دور
اصغر یانور گهواره ده تاب وتوانیم دور
شادلیق ایدور دشمنلریم آرام جانیم دور
قانیله ایتدون عشقووی معنا اباالفضلیم


اخیامه باهم دور گیدک غیرتلی سرداریم
گوزلور سنی اهل حرم یاتما علمداریم
عطشان سپهداریم اویان ای غم گونی یاریم
اسلامی ایثارون ایدوب احیا اباالفضلیم


سندن صورا وای زینبه وای بی کس اطفاله
جن وملایک آغلاشارباهم بو احواله
قارداشووی اعدا یخار بیر قانلی گوداله
آغلار دییر الله قالوب هاردا اباالفضلیم


غم زینب مظلومه نی بیر گونده پیر ایلر
اعدا قووار اطفالیمی تا دستگیر ایلر
قید طناب ظلمیلن یکسر اسیر ایلر
اخیامی اشرار ایلیر یغما اباالفضلیم



#سبک_ای_غنچه_نیلوفریم
#سبک_ویرانه_ده_نازلو_بالام



#عباسیه_شهادت
#ای_تشنه_لب_قیزلاریمه_سقا_اباالفضلیم
#موسی_آقایی
#ترکی

  • پنج شنبه
  • 8
  • شهریور
  • 1397
  • ساعت
  • 1:30
  • نوشته شده توسط
  • علی ببیرپور

برای بارگذاری فایل در سایت اکانت مداحی بسازید


حجم فایل 404.00 KB
تعداد بازپخش 239
تاریخ بارگذاری چهارشنبه 7 شهریور 1397 16:32
عنوان : #سبک_ویرانه_ده_نازلو_بالام
حجم فایل 508.00 KB
تعداد بازپخش 163
تاریخ بارگذاری چهارشنبه 7 شهریور 1397 16:32
عنوان : #سبک_ویرانه_ده_نازلو_بالام

ارسال دیدگاه



ورود با حساب گوگل

ورود کاربران