«شجاعت بی بدیل حضرت علی اکبر(ع)»


محمد علی مصیبی تبریزی

عرش زین اوسته دوروب   حیدرنشان  اکبر
یکّه تاز      کربلا       تندیس       پیغمبر


فارس ِهیجا – قامتی طوبا
سسلوری   ((هَلْ مِن  مُبَارِز))   اشبه   طاها


((یرلر دیئر  ؛  مرحبا اکبر            
گویلر دیئر   ؛   مرحبا اکبر))

*****

اشبه    رَفرَف     سوار     لَیلة الاسرا
خَلقاً    و   خُلقا ً  سلیل    سیّد    بطحا
یکّه وتنها – قلب میداندا
موجه  گلمیش   بحر  غیظ   اکبر  لیلا



سبط شیر شرزه دور ضرغام دشت غم
قَبضۀ   صَمصامی  الده    جلوۀ   خاتم
شهریار عشق – جان نثارعشق
باشلادی بانگ رجز چابکسوار  عشق


سویله دی   وارقانلی  پنجه م  صولتاً  بَبرم
قانیزی  توکماقه   بو  صحراده   بی صبرم
باهِرُالنّورم – معدن شورم
شاه  دیندن   جانیزی  آلماقه   مأمورم


اکبرم  من   بیشه زا ر   عزّته    ضیغم
شعله وردی  دشت  غمده  آتش   سینم
قُلزُم شاهم – سُطوتُ اللّهم
جانیزا  اود  سالماقا   عباسه   همراهم


چنگ وورسام  قهریله گر تیغ خونباره
چشمه  چشمه  قان  آخار    میدان  پیکاره
یکّه تازم من - سر فرازم من
گلمیشم  جان  نقدی  الده  پاکبازم   من


قورتاروب تا سوزلرین گوستردی  نیروسین
حمله ور اولدی ییخا ظالم لر اردوسین
قاطع و بُرّا – شیرتک غُرّا
برق خاطف تک هجومی تند و رعدآسا


تندباد  هجمه سی   تا   لشگره   اسدی
بولدیلر یَلْ زاده دی ، هر چند نورسدی
حارب ممتاز – ایلیوب اعجاز
کرکس و زاغ  و زغن دور طعمۀ شهباز



طارقی  سعد اوغلی ائتدی   جنگینه مأمور
موصلی   پاداشْ    قتل   اکبره    منظور
کینه سی دیلده – نیزه سی الده
نیزه   آتدی   اکبره  اوُل  ظالم    اوّلده


طارقین  ردّ  ایلیوبدور  نیزه سین  اکبر
عرش زین اوسته او دم ائتدی قچین لنگر
زینیدن قاخدی – طارقه باخدی
نیزه سین  قدرتله  جوف  قلبینه تاخدی


طارقی  آتدان  سالوب  تا  فارس ِ کرّار
ایکّی اوغلی گلدی جنگه  چکدیلر  زنگار
یَل یَل دوران – وئردی بیر جولان
طارقین اوغلانلارین بیربیر سالوب آتدان


تیغ  عریانی عجب   مرگ آفرین  اولدی
کیم  گلوبدور جنگینه  نقش زمین اولدی
وارث حیدر – دشمنین پی لر
بو  هله  اکبردی   گور عباس  آقام  نیلر