آرزوی کربلا



حاج علی زلفی تبریزی

یارب التفات ایت بو دلغمین و زاره
سینه ده بو قلب حزین و بیقراره
ای طبیب جانیم بو درده ایله درمان
شوقیله نولار بیر یتم وصال یاره

کاش اولا میسر چکم سینیه مزار اکبری
شوقیدن توکم گوزیاشی طوف ایدم او قبر اطهری
رعشه دوتدی جانیم بو غمده سن ای خدا گواه سن
یادیمه دوشوبدی سارالتدی عطش علی اصغری

طفل غنچه دهان
مادر باغریقان
اودلانوب یانور سوسوزدان


کربلا کربلا
کربلا کربلا

کربلا نه دلربادی   کعبه اهل ولادی (۲)







خیمه گاه ارباب دیولَّه باصفادی
قتلگاهی اما مکان غمفزادی
عالم فنانی گوزومدن آتمشام من
ایستگیم جهاندا حسین و کربلادی

خیل عاشقانیله باهم اورک باتیدی ماتمه
یول سالا بولیدیم نوالی کنار نهر علقمه
سینه داغلییدیم حسینون سوسوز قالان عیالینه
گوز یاشی توکیدیم یانیدیم او پادشاه اعظمه

سینم آتشفشان
گوزلریم اشکی قان
یاندرور منی بو هجران

کربلا کربلا
کربلا کربلا  
کربلا نه دلربادی   کعبه اهل ولادی (۲)







نیلیوم ازلدن بو  عشقه مبتلایم
شه گوزوندن آتماز بولور که آشنایم
نام پاک مولا اولوبدی حِرز جانیم
کلب و عبد دربار آل مصطفایم

دیل اولوب نه مدّت حسینون کمند عشقینه اسیر
گنبد طلاسینده بیرق اسنده بو اورک اسیر
عمر دفترینده یازیلمیش آدیم حسینه غمگسار
هر ایکی جهاندا حسیندور گون اوزلی سرور و امیر

فخر افلاکیان
قبری دارالامان
قوت دل بیدلان

کربلا کربلا
کربلا کربلا  
کربلا نه دلربادی  کعبه اهل ولادی (۲)




#کربلا  #آرزوی_کربلا
#یا_رب_التفات_ائت_بو_دلغمین_و_زاره
#زلفی_تبریزی
#ترکی