دور آی یارالی باجون گلوبدی باشین اوسته
بو زاره سس ویر بو چولده زینب اولدی خسته
آی قارداش - بو چولده دشمنین چوخدی
آی قارداش - بدنده ساق یرین یوخدی
آی قارداش - بو قلبی تیر غم دَلدی
آی قارداش - قتلگهه ننم گلدی
اماندی قارداش بو زینبیوه بیرجه سس ویر
یوخومدی طاقت یورولموشام منه نفس ویر
آی قارداش - علی باشین اوجاتدون سن
آی قارداش - باجیوی چوخ قوجاتدون سن
آی قارداش - آخور دامارلاریندان قان
آی قارداش - چخوبدی گوگلره افغان
سسیمه سس ویر یارالی پیکرون هایاندا
یانوبدی قلبیم باشیوی نیزیه وراندا
آی قارداش- بو چولده قالموشام تنها
نهر اوسته - یاتوبدی قارداشیم سقا
آی قارداش - اولوب منیم علمداریم
بو چولده - یوخومدی بیر مدد کاریم
رقیه آغلور دیور بابا ورولا سیلی
ننم مثالی یوزی گوزی اولوبدی نیلی
آی قارداش - بو قتلگهده چوخ داش وار
شمر دون - الینده بیر کسیک باش وار
آی قارداش - باجیوا ایلمه سن ناز
یارالی - قیزلارا رحم ایله بیر آز