گوزون آچ منی دانیشدیر
گوزوون فداسی قارداش
منی آغلادیر باخاندا
باشیوون یاراسی قارداش
منیلن دانیش حسین جان
او یارالی باشه قربان
جور و ظلم اشقیادن سولدی گلشن پیمبر
اولدی دشمنین اسیری کوفه ده بنات حیدر
خیمه لر یاناندا قارداش غارته ال آچدی لشگر
کربلاده اولدی غارت زینبین اساسی قارداش
ایلدین خدایه خاطربیله بیر عظیم قیامی
بو قیام بی نظیرین ایلییب بیزی گرامی
بیلیرم داخی اولانماز رهِ باطلین دوامی
اولاجاق جهاندا ویران ستمین سراسی قارداش
بیزه چوخ ستم ائدیبلر بونی سن حسین بیلیرسن
ولی قوی بیر آیری مطلب گئنه من دئییم ائشیت سن
سنه آغلیاندا قارداش بیزی چوخ ووروبدی دشمن
قوتاران دگول بو قومین ستم و جفاسی قارداش
بورا کوفه دی حسین جان بیزه بوردا اولیا یوخ
آتامیز علی گئدندن بو مکاندا دای صفا یوخ
بورانین جماعتینده داخی عهدیله وفا یوخ
چوخالیبدی بو مکاندا باجووین بکاسی قارداش
بو وفاسیز اهل کوفه سنی ئولدورورب برادر
داخی قان توکن آداملار بولارا حکومت ایلر
بولارین جهاندا آخر اولجاقدی وضعی بدتر
بولارین شماره گلمز گنه و خطاسی قارداش
آچیلیبدی کربلاده قوری یئرده جانمازین
ولی چوخ ثوابی واردور بئله خوفلی نمازین
دین ایله قرآن یولوندا کسیلیب سنون بوغازین
ای اولان بلالی چولده قرآنین فداسی قارداش
یارالی باشین برادر باشیم اوسته سالدی سایه
دوشرم باشین دالینجان گلرم حسین نوایه
دوزرم بو امتحانه ولی ائتمرم گلایه
اؤزی امر ائدوبدی صبره باجووین خداسی قارداش
گوروسن اسیر اولوبدی بو جماعته عیالین
ولی سن کرامتیله منه قیل بیان اؤز حالین
باجووا بویور حسین جان نیه کول دوتوب دوداقین
اوجالور باشون گورنده باجوون نواسی قارداش
بو گوزل باشی قویاردی آنامیز حسین دل اوسته
نیه بس قویوبدی خولی یارالی باشین کول اوسته
منه وئرسه لر بو باشی قویارام حسین گول اوسته
ئوپرم دوداق لاریندان گوزومون ضیاسی قارداش
بو جهاندا #هادی شاعر بیزه ایلییبدی خدمت
چالیشیبدی زنده قالسین یئر اوزونده بو شریعت
اودا نوکریندی قارداش اونا ایله سن عنایت
اودا من کیمی غمینده اوجالیب نواسی قارداش
- دوشنبه
- 2
- مهر
- 1397
- ساعت
- 10:30
- نوشته شده توسط
- ابوالفضل عابدی پور
- شاعر:
-
تبریزی هادی سلطان محمدی
ارسال دیدگاه