• پنج شنبه 9 فروردین 03


زبانحال حضرت زهرا سلام الله علیها -(گل ایندی یانیمه ای گوهر یگانه قیزیم)

570
1

گل ایندی یانیمه ای گوهر یگانه قیزیم
دونوبدی گلشن عیشیم داخی خزانه قیزیم
واریمدی نچه وصیت ائدوم سنه اظهار
اورک سوزون گتوروم بیربه بیر بیانه قیزیم
یتشدی آیریلوق ایامی منده گئتمه لیم
آییردی ظلمیله سیزدن منی زمانه قیزیم
بالالاروم چوخ اوشاقدور ئوزوم جوان ئولورم
یتشدی آه دلیم عرشه کهکشانه قیزیم
حسینیله حسنون نازینی گرک چکه سن
او ایکی بلبله ائت قلبون آشیانه قیزیم
ئولوبدی جدیلری غم دوتوب اورکلرینی
توکرله گوزیاشی آغلارلا یانه یانه قیزیم
یقیندی غملری مندن صورا تاپار شدت
حزین صدالری اوج ایلر آسمانه قیزیم
منیم یریمه شریک غم اول قیزیم اولارا
محبت ائتگیله هر دمده مادرانه قیزیم
ایچنده زهر جفا قارداشون امام حسن
بجادی گلسن اگر ناله و فغانه قیزیم
گئدنده کرب و بلایه گوزوم ضیاسی حسین
اونیلا اولگیلا سنده او گون روانه قیزیم
کسنده قارداشوین اللرین خبردار اول
یتور پیامیمی جمال ساربانه قیزیم
دی اول نمک به حرامه بو اللری کسمه
بو اللریله خدا جان وئرر جهانه قیزیم
سسین اوجالتما یواش اوخشا آغلا قارداشوا
سن آغلاسان دوشر اود بیلگیلن بوجانه قیزیم
سنه ، حسینه ، منه ، اوندا « جاریه » آغلار
کنیزیم آغلاسا خوشدور بو خاندانه قیزیم

  • پنج شنبه
  • 13
  • دی
  • 1397
  • ساعت
  • 12:3
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران