گُل عذاریم اولدی نیلی
ثانی محکم ویردی سیلی
سالدی زهرانی آخر دوزومدن
دگجگین پارلادی اوت گوزومدن
آی عم اوغلی داده تئز گل
رهبریم امداده تئز گل
یالقوزام فریاده تئز گل
آلدی دشمن بو زاری ارایه
ای یخان خیبری گل هرایه
سن همان خیبر شکن سن
عمر و عنتر ئولدورن سن
سن منه جان جان دین سن
پشت دیوار و درده سخلدیم
سندی پهلولریم گل یخلدیم
من گوز اولسام سن قاشیم سان
همسریم سن یولداشیم سان
غم گونونده قارداشیم سان
بو جوان وقتی باشیم آغاردی
گل اماندی منی قان آپاردی
ایلدی دشمن بهانه
حمله گتدی ظالمانه
اود ویروب بو آشیانه
شهپریم سندی قانه بلشدی
باخدی دورت خسته طرلان ملشدی
دوشدوم السّاعه دؤزومدن
وردیلار سیلی یوزومدن
اود شاخوب ناگه گوزومدن
یوخ آنام قارداشیم داده گلسون
بو یامان گونده فریاده گلسون
- پنج شنبه
- 13
- دی
- 1397
- ساعت
- 12:51
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه