صفای قلب علی نی گئدن نگار آپارور
بهار وصلینی یغمایه هجر ِ یارآپارور
اسوبدی باد خزان گلشن تولّایه
هجوم صرصر غم موسم بهارآپارور
صفای عالم اغبر غبار غمله گئدور
سینان قابیرقانی عُقبایه یادگارآپارور
ائدوبدی کاسۀ چشم علی نی خون آلود
ز بس کی سینه ده اندوه پرشرارآپارور
یانیقلی قلبله هردم سیزیلدیری شه دین؛
وجودیمین گولی تاصولدی هرنه وارآپارور
ائدنده غسل وکفن مرتضی چو زهرانی
او قمچی یئرلری مولادن اختیارآپارور
گوروبدی جسم شریفینده تازیانه یئرین
یارالی سینه علی صبرین آشکارآپارور
وُراردی باشینه مولادیَئردی وای اولسون
گل وجود علی نی جفای ِ خارآپارور
امانتی دی الیمده نگار پیغمبر
اریتدی جسمینی غوغای روزگارآپارور
سوروشسا،یوخدی جوابیم رسول بطحایه
علی نی محضر طاهایه شرمسار آپارور
حنوط ائدوبدی اوجسم نحیفی،ائتدی کفن
پیمبرین قیزینی قبره زخمدارآپارور
گلوبله وارد صحن اولدیلار اودم حسنین
آنانین عشقی ئورکلردن اختیار آپارور
آلوبلا اذن علی دن چکوبلر آغوشه
بتول نعشینی کی جبر روزگار آپارور
دیئردیلر ؛ آنا باس باغریوا یتیملری
کی وصلون آینۀ قلبیدن غبارآپارور
علی دییور؛ قسم اولسون خدای یکتایه
نه گوردیم اوندا دیسم سوزدن استتارآپارور
به اذن حضرت باری آچیلدی بند کفن
بتول آچدی قولون سینه دن قرار آپارور
محبتیّله باسوب باغرینا بالالارینی
سرشک دید یه باخ وقت احتضارآپارور
علی ده قاتدی سرشگین اواشک دیده لره
بوآغلاماق فلکین دیده سین خمارآپارور
ندا گلوب بالالاری آییرگیلن آنادان
علی او دم حسنینی چکوب کنارآپارور
سیلوبدی گوزدن آخان یاشلارین امیرحجاز
حسینی نعش بتول اوستن اشکبارآپارور
قلم چکورمنی کرب و بلایه یثربدن
همان او قتلگهه قلبیمی نزار آپارور
گریز به قتلگاه
اودم کی نعش حسین اوسته سالدی زینب ئوزون
نه بیر کفن واریدی ایستی قوم فشارآپارور
او قدر پیکرینه کوفیان ووروب یاره
اوخ اوسته اوخ واریدی یاره بیشمارآپارور
یارالی پیکری زینب چکوبدور آغوشه
اونون نوالری اللردن اختیارآپارور
بو حین ده یتیشوب قتلگاهه خولی شوم
الینده نیزه و شمشیر مرگبارآپارور
او قدر زینبی ووردی او جائر ملعون
کی قان قاریشدی قانا جسمی زخمِ کارآپارور
«مصیّبی» نه قیاس ایلیسن بو مطلبی سن
سوزی چوخ آچماکی شعریندن اعتبارآپارور
بالانی خولی دؤیوبدی آناسینی قنفذ
هره سی بیر یارانی حشره یادگار آپارور
- پنج شنبه
- 13
- دی
- 1397
- ساعت
- 12:55
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه