زهرا
گوز آچ منیم گوزل نگاریم
خزانه دوندی گور بهاریم
سنی حسن ،گوزآچ یارالی
اویان منیم دار و نداریم
زهرا
نیه علینی تک قویورسان
بو آیریلیق سوزون سالورسان
اویان گوزآچ یارالی زهرا
مندن بئله نه تئز دویورسان
زهرا
حسن سنه گیزلینجه آغلور
حسین ده سینه سینی داغلور
زینب قیزون الی دعاده
سرشگینی عذاره باغلور
زهرا
بالالاری گوزوندن آتما
جهانی خواب نازه ساتما
اویان الیم بئلیمده قالدی
بئله علینی سن قوجاتما
زهرا
ای آشیانه مون صفاسی
حسن حسینیمون آناسی
بئله منی گوزوندن آتما
اویان اولوم گوزون فداسی
- چهارشنبه
- 19
- دی
- 1397
- ساعت
- 12:26
- نوشته شده توسط
- ابوالفضل عابدی پور
- شاعر:
-
معین عبازاده
ارسال دیدگاه