بتولی غم غصّه لریوروب
ایلمز توان آغلار
ویروبلار اود درگهی یانوب
تا ویرونجه جان آغلار
کُر برای سبک تبریز ::
حسینمون ماجراسی وار
قاباخدا کرب و بلاسی وار
آغلادار جهان آغلار
سنون دانانلارحقووی جانیمه شرر سالدی
سلام ویرورسن سلامووی آلمیین توان آلدی
بو غم منه بسدی سینه ده باغلی اللرون قالدی
بونیسگیله تک نه فاطمه ارض و آسمان آغلار
قصوریم اولسا گذشت ایله ای جمالی مه طلعت
آز عمروده ویرموشم نقدر من علی سنه زحمت
منی حلال ایله یاعلی آخرین دم وصلت
ئولور زهرا آغلاسان علی کونیلن مکان آغلار
خزان گلوب گلستانیوه بیر گل ایستوری سولسون
اماندی قویماعم اوغلی جان بش بالام یتیم اولسون
بالالاریمی دیله دوتوب قویما ابرتک دولسون
علی الخصوص زینبیم ایدر اشگینی روان آغلار
آتام گیدوب نار محنته اویوده یانموشوخ باهم
سنی عدو چکدی بیعته دست بسته من بوللم
قاپی یاناندان یارالیم قالمارام یقین اوللم
سیزولدوری سینه ده یارام حالیمه باخان آغلار
ویروبلااوددرگهیم یانوب روحوموی ایدوب خسته
سُوَر زهرا باشنی قویا جانویره دیزون اوسته
بو دور سنه خواهشیم منیم غسلومی ویر آهسته
تو کرسو اسما یواش ایدر حالیمی بیان آغلار
خزان اولان بیر گولم منه صر صر ستم اسدی
الیمده گوردی قبالنی ثانی تا یولی کسدی
آلوب باخا پاره ایلدی سیلیسی منه بسدی
حسن بولور ماجراندی ایلمز عیان آغلار
بیر اللی من قنوت دوتدوم بیرزمان نماز اوسته
بالام شهید اولدی یا علی نخل دینمه هسته
آپار منیم جنازه می قبر ایوینه آهسته
گجه زمانی مزاره قوی حالیمه زمان آغلار
حسن بالام گل کیمی سولار وای آنا دیر آغلار
حسین او سینمون گولی سینه سین منه داغلار
یانار فراقه ایکی قزیم اشگینی گوزه باغلار
یتیم اولاردورت بالام منیم دیلده مین فغان آغلار
الیمده یوخ چاره نیلیوم زینبیم ملر قالسا
گرک دوزه هر مصیبته غم توانینی آلسا
شریک غمدی حسینیمه کربلایه یول سالسا
اودشتیده گورسه جسمینی اوخلارا نشان آغلار
یتوب بتول عمری آخره ترک ایدوربو دنیانی
قاپی دالوندا سیخیلموشام اولدوروب منی ثانی
بالالاریمدان دیمه دویوب جان سنون حسین جانی
حسینمون کربلاسی وار عاشقانی قان آغلار
سنون علی درد وغم لرون گلمیوب سانا گلمز
بو عالمی ویرسلر منه تار زلفووه دگمز
حسین بالام سندن اورگشوب دشمنه باشین اگمز
ده محرمده بوبالان آغلا دار جهان آغلار
حمید اصلی نوحه خوان هیئتین نوا خوانی
اوخوردی بیر نوحه سوزیلن آغلادوب اولوب بانی
دئدی یازا عدلیده یازوب دفتره بو عنوانی
اوخونسا بزم عزاده گر پیرو هم جوان آغلار
- چهارشنبه
- 19
- دی
- 1397
- ساعت
- 13:5
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه