ای ولیِّ حیِّ
لا یزال عم اوغلی
فاطمه ویرور جان
قیل حلال عم اوغلی
ویرما قلبیمه یاره
توکمه بیله رخساره
اشک آل عم اوغلی
تار عمروم اولموش بیر بو آنه بسته
بذل جان ایدور بو زار و دلشکسته
آل بو صون نفسده باشیمی دیز اوسته
توکمه گل عذاره اشگ آل عم اوغلی
ویرما قلبیمه یاره
توکمه بیله رخساره
اشک آل عم اوغلی
ای عزیز جانیم وی شه ولایت
سن اوزون بولورسن یوخ بیانه حاجت
هر جفا ایدوبلر فرقۀ عداوت
یوز ویروب نه غملر اتصّال عم اوغلی
ویرما قلبیمه یاره
توکمه بیله رخساره
اشک آل عم اوغلی
نار غم سالوبدی جانیمه شراره
درگهیم یاناندان وار بدنده یاره
دوزموشم جهاندا ظلم بی شماره
حقّیمی ایدوبلر پایمال عم اوغلی
ویرما قلبیمه یاره
توکمه بیله رخساره
اشک آل عم اوغلی
دوقّوز ایل بو ایوده هر دقیقه هردم
هر غمیمده اولدون سن منیله همدم
زحمتیم چوخ اولدی ای شه دو عالم
چوخ واریمدی سندن انفعال عم اوغلی
ویرما قلبیمه یاره
توکمه بیله رخساره
اشک آل عم اوغلی
گر چه دلده مینلر درد و محنتیم وار
بیر نچه دقیقه لیک فرصتیم وار
گل ایدوم بو ساعت هر وصیّتیم وار
ایله جابجا ای خوش خصال عم اوغلی
ویرما قلبیمه یاره
توکمه بیله رخساره
اشک آل عم اوغلی
اولما راضی گلسون ای شهنشه دین
بو جنازم اوسته فرقۀ بد آیین
غُسل ویر گجیله قوی مزاره گزلین
قبریم اولسون ایتگین ماه و سال عم اوغلی
ویرما قلبیمه یاره
توکمه بیله رخساره
اشک آل عم اوغلی
واردی گوزده اشگیم دلده شور و شینیم
بو بالام حسندور نور هر دو عینیم
جسمیمه رواندور خاصّه بو حسینیم
باغ آرزومه نو نهال عم اوغلی
ویرما قلبیمه یاره
توکمه بیله رخساره
اشک آل عم اوغلی
حقّی واردی منسیز رنگ آلی سولسون
گوزلری سرشگ حسرتیله دو لسون
قویما بوندان آرتوخ دل شکسته اولسون
لطفون ایله شامل گویلون آل عم اوغلی
ویرما قلبیمه یاره
توکمه بیله رخساره
اشک آل عم اوغلی
خامۀ مَشیّت ایلیوبدی مرقوم
من ایدم جهانی ترک سینه مغموم
قویما آغلاسون سن زینبیله کلثوم
دللرینی دوتسون چوخ ملال عم اوغلی
ویرما قلبیمه یاره
توکمه بیله رخساره
اشک آل عم اوغلی
آز عذاره جاری گوزدن اشک آل ائت
آز منی غریق حسرت ملال ائت
گل بو زاره صُون دم حقّووی حلال ائت
ترک ایدوم جهانی بی خیال عم اوغلی
ویرما قلبیمه یاره
توکمه بیله رخساره
اشک آل عم اوغلی
توک عذاره « هوشی » گوزدن اشگ حسرت
ایله الده اشگون توشۀ قیامت
فاطمه دیلینجن بیرده قیل کتابت
ای ولیّ حیّ لایزال عم اوغلی
ویرما قلبیمه یاره
توکمه بیله رخساره
اشک آل عم اوغلی
- چهارشنبه
- 19
- دی
- 1397
- ساعت
- 13:20
- نوشته شده توسط
- ابوالفضل عابدی پور
- شاعر:
-
مرحوم غلامعلی باقری
ارسال دیدگاه