• پنج شنبه 9 فروردین 03


زبانحال حضرت زهرا(س) -(فاطمه ام بلالیم عم اوغلی)

791

فاطمه ام بلالیم عم اوغلی
بلالیم عزالیم عم اوغلی
قاپیم یانوب گیدوب بالام الیمدن
قولوم سنوب یارالیم عم اوغلی


غم لر دوتوب شادلیقلار آتدی منی
شادلار جَرگَه سیندن چخاتدی منی
قوجا دنیا ایله یوزین چوؤردی
جوانلیقدا یوروب قوجاتدی منی


مریضه زهرانی گلدون گورماقا
بیر دردیم وار اوتانورام دئماقا
گرک سنون ایاقووا دورِیدیم
گذشت ایله دورانمورام ایاقا


نه ظلم اولدی قاپیم یانان زمانی
واردور هَلَه وجودیمده نشانی
اللهدان ایسته ائتمه سون مسلّط
هیچ یرده با حیایه بی حیانی


فریاد و داد بی حیا الیندن
ای داد دشمن خدا الیندن
اولسیدی خصم بی حیا حیاسی
چخمازدی بیله بیر خطا الیندن


دوتسون گوروم اشراری حق بلاسی
یانمیش قلبیمه ووردی دل یاراسی
جان یولداشیمدی حشره تک بو یاره
بیتمَز یارا اورکده دل یاراسی


یاندی نجه قاپیم بولن اولمادی
من یخلدیم نجه گورن اولمادی
هرایلادیم جانی منی ئولدورور
منیم هراییمه گلن اولمادی


دلیلی وارنه شاد اولّام نه گوللَّم
بیر درده دوشموشم یقیناً ئوللّم
آستانادا بالام شهید اولاندا
نَلَر اولدی الله بولر من بیللم


بو اودلی آهیمی گور سینه داغلا
ایوی خلوت ایله قاپونی باغلا
سن دردلی من دردلی عم اوغلی اگلش
بیر دردَلَه شاق من آغلیوم سن آغلا


گوز یاشی حلقه ووردی گوز ایویمده
سسلر اوجالدی اولدی سوز ایویمده
بی رحم لر تو کولدیلر ایویمه
ال آچدیلار دوگولدوم اوز ایویمده


جان ویرماق آجیدور چوخدور زحمتی
منه گلور شیرین وار حلاوتی
جان اوسته گورسم بهشتی جمالون
بیله جان ویرماقین وار چوخ لذّتی


نسگل لرون بو قلبیمی داغلادی
قانیاش توکوب بو گوزلریم آغلادی
باغلانسون قاپوسی اوکیم ظلمیه
هم الیوی هم دلیوی باغلادی


واردور غمیم او قدری گلمز سانا
غمیله وار سازشیم یانا یانا
هامی دردیم هامی غُصّه م بیر یانا
عم اوغلی جان سنون دردون بیر یانا


چوخ گل سولار ، سن تک سولان تاپیلماز
چوخ گوز دولار، سن تک دولان تاپیلماز
چوخلار مظلوم اولوب گیدوب دنیادن
سنون کیمی مظلوم اولان تاپیلماز


«تائب»، بویورموش اؤزی خیرالانام
یول علی یولیدور، علیدور امام
دنیا اهلی هامی آیری یول دوتسا
سن دوت علی نین یولونی والسّلام


  • پنج شنبه
  • 27
  • دی
  • 1397
  • ساعت
  • 12:53
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران