ای امید زهرا هایانداسان
جان یتوب دوداقه عم اوغلی جان
جور خصم ایاقدان سالوبدی گل
آز قالور فراقه عم اوغلی جان
ای پناه عالم عنایت ایت
باشیم اوسته سال ظلّ رحمتون
گرچه حالیمه هر نفس اولوب
شامل التفات و کرامتون
آخِرین دقایقده ئولمه میش
بو مریضه اولسون عنایتون
بستر اجلدن چتین داخی
من دورام ایاقه عم اوغلی جان
رنجه قیل قدم فیض لطفیدن
بزم انس خلوتدی یاعلی
باشیم اوسته اگلش دانیش دانیش
دم بو دم غنیمتدی یاعلی
یار یاریله درد دل ایده
ایمدی یاخشی فرصتدی یاعلی
چوخ محالدور بیرده بیر بیله
فرصت اتّفاقه عم اوغلی جان
دلخوشام مقام رضاده من
قسمتیمده کی سرنوشتیله
فارغم وجودینلا یوخ ایشیم
نه بهشتیله نه کنشتیله
سن منیم بهشتیم سن ایتمرم
گول یوزون عوض مین بهشتیله
حسنیوین وجودیله هر ندن
کسموشم علاقه عم اوغلی جان
ظاهراً منم، یوخسا باطناً
محو اولوب وجودوندا سندیم
ذرّه ئولماقیمدان غم ایتمرم
عشقیوین وجودیله زندیم
آند اولا جلال جلالیوه
درگه تولّاده بندیم
حلقه سین ازلدن ولایتون
سالموشام قولاقه عم اوغلی جان
ذرّه ذرّه اعضای پیکریم
ذکر ایدر دمادم دیر علی
قلبیم اللریم گوزلریم دلیم
هر نفسده باهم دیر علی
رمز اسم اعظم آدیندادی
آدمیله عالم دیر علی
عالمیله آدم فدا بیله
جاه و طمطراقه عم اوغلی جان
عالم ازلدن ولایتون
عالمینه حصن حصین اولوب
کیم قدم قویوبدور سعادتی
آخرتده عین الیقین اولوب
حبّیوین وثاقی نه تک منه
اهل عشقه حبل المتین اولوب
رستگار اولوب پایبند اولان
بیر بیله وثاقه عم اوغلی جان
گنجدور جهاندا ولایتون
شایقم ازلدن بو گنجه من
شوقیله بو گنج اوسته دوزموشم
هر مصیبت و درد و رنجه من
بو ولاده نرم ایتموشم اودور
درد و رنجیله دست و پنجه من
درد و رنج گلدوقجا گلموشم
شور و اشتیاقه عم اوغلی جان
ویرموشم بلایه ازل بلی
وار رضایتیم سرنوشتیدن
بستر حریره نه حاجتیم
بالش ایلرم پاره خشتیدن
محضرونده بیر لحظه اولماقین
باشدی سلسبیل و بهشتیدن
سلسبیل و جنّت هاچان چاتار
بو شریف اتاقه عم اوغلی جان
عیش فصل وصلت چاتوب باشا
باشلانوب غم موسم فراق
بیرده محفل قدس انسیده
حاصل اولماز ایّام اتّفاق
هجر اودوندا یوخ چاره میز گرک
سنده منده بوندانصورا یاناق
من جهاندا، منده مزاریده
اودلاناق فراقه عم اوغلی جان
گوزلرون فداسی بو گوزریم
بیر نظر، نظر قیل بو حالیمه
گور نجه ایاقدان سالوب منی
اود دوشنده باب جلالیمه
شرحه یوخدی حاجت نشان ویرر
گر نظاره ایتسن جمالیمه
کیم نجه جهالت تفاقیمی
دوندروب نفاقه عم اوغلی جان
عفو قیل باغیشلا، جنابیوه
زحمت و عنادن بودور غرض
لطف ایله نچه وار وصیّتیم
ایتمه میش روان قبره بو مرض
کفن و دفنیمی ایله سن گجه
ای حقیقت جوهر و عرض
دیو و دد رضا اولما ال تاپا
دولت وفاقه عم اوغلی جان
بیر نچه دقیقه قوناقیوام
محضر شریفونده بو گجه
بزم انسیده فیض وصلیدن
توشه حاصل ایتموم نه چون نجه
صبح اولونجا شمع حیاتیمی
سوندورر اجل ساخلاماز گجه
کاش آچیلمیه صبح، گون باتا
آی دوشه محاقه عم اوغلی جان
اشقیا بو گون یاندیروب بیر اود
سهلدور اولا حشره تک خموش
اود نه اوددی بولمم که اودلانور
جانیمه سالور اودلی بیر خروش
بو همان او اوددور که اوغلوما
واقفم اولار کربلاده توش
خیمه سی جلالی یانار بوتون
سوز احتراقه عم اوغلی جان
واقفم که بیر گون گلر گیدر
جبریله عراقه بالام حسین
کربلا چولینده قتیل اولار
اهل کین الینده بو نور عین
جان ویرنده مقتلده تشنه لب
ای شهنشه مُلک نشاتین
من گلنده لطف ایله سنده گل
جانب عراقه عم اوغلی جان
یاعلی او گونده حسینیوی
ئولدوررر سوسوز فرقه ی نفاق
سهلدور ایله ظلملر اولار
اوغلیوا گوزوندن او گون ایراق
جسمی کربلاده قالار، باشی
کوفه ده گیدر خولیه قوناق
کینه دن نیدر من دینمورم
میزبان قوناقه عم اوغلی جان
ای امیر مُلک رفیع عشق
اوز غلامیوه بیر عنایت ایت
مستحق بو شبخیز عاشقه
خاکساریمیزدی کرامت ایت
اولسا گر خطاسی گذشت ایله
موقف جزاده شفاعت ایت
سالماسون صف حشریده باشین
شرمیدن اشاقه عم اوغلی جان
مرحوم شبخیز
- پنج شنبه
- 27
- دی
- 1397
- ساعت
- 13:19
- نوشته شده توسط
- ابوالفضل عابدی پور
ارسال دیدگاه