بقیع، نیلور علی بو جهانی فاطمه سیز
منه قفسدی بو دنیای فانی فاطمه سیز
بو قلب که اونا خاطر دوزردی درد و غمه
اولوبدی تیر مصیبت نشانی فاطمه سیز
کیمیم قالوب بیله ال لر اورکده سرگردان
قالوبدی غزوه لرون قهرمانی فاطمه سیز
ایوون صفاسی گیدوبدور اوشاقلاریم سارالوب
دوتوبدی قاره دومان دودمانی فاطمه سیز
قویولارا دئیورم دردیمی اورک بوشالا
سویوندا رنگی اولور زعفرانی فاطمه سیز
اوشاقلارا باخورام قلبیم اود دوتور آلیشور
ایویمده مشکل اولوب زندگانی فاطمه سیز
بو فانی عمرده بیر لحظه یوخدی ذوق و صفا
داریخدیروبدی داخلی مرتضانی فاطمه سیز
نیام قبریده یاتمیش قلنجمون کسری
جری ایدوبدی زمان اشقیانی فاطمه سیز
یاتوب تمام امیدیم بو قبریده یارالی
دولانورام اودی بو غم فضانی فاطمه سیز
همای بسته پرم اوج دن سالوبدی فلک
مکان ایدوم نجه من آشیانی فاطمه سیز
قرانلوق ایوده قوراندا عزابساطنی من
بلالی زینب اولور نوحه خوانی فاطمه سیز
نه چاره فاطمه دن، لحظه ده اورک دونمور
نقدری آغلیورام دلده کی اودوم سونمور
- پنج شنبه
- 27
- دی
- 1397
- ساعت
- 13:23
- نوشته شده توسط
- ابوالفضل عابدی پور
- شاعر:
-
حاج محمد تقائی
ارسال دیدگاه