ای نوری ایدن عالمی پر نور و مصفا
عالم سنیلن عالم اولوب حضرت زهرا
محبوبه و دردانه غائی جهانسان
سنسن شجر پرثمر شاخۀ طوبا
ابتر دئدولرچون آتاوا اهل عداوت
اعطا ایلدی حضرته اول خالق یكتا
قرآندا سنون شأنوه چوخ آیه گلوبدی
مصداقیدی تطهیریوه ای بانوی عظما
دنیایه گلوبدور نه گلر مثل و شبیهون
سنسن كه اولوبسان آتاوا ام ابیها
سن وحی ائوینون زینتی سن گوهر تقوا
هم كفو علی شاه نجف حیدر و مولا
سن وارث پیغمبر اوزون زینت طاها
اوغلوندی حسینیله حسن حُسنده زیبا
سن شیرخدانون او یامان لحظه لرینده
مشكل آچانون مشكلون آچدون گل طاها
عالمده آچوب اوغلون حسین مكتب قرآن
حق دین یولونون پرچمینی ایلدی بر پا
سن مظهر توحید و حیا كان شرف سن
بیربیله فضیلت سنه مختصّیدی تنها
سنسن او خانم كه آلونوب حقین الیندن
ثانی درو دیوار آراسیندا ایدوب ایذا
من «عدلیم» اوز ائتدوقوم اعماله پشیمان
سن شافعۀ یوم جزا عصمت كبری
یوخ دور عملیم چوخدی گناهیم سنی تاری
سالما نظروندن سنه واردست تمنا
- شنبه
- 29
- دی
- 1397
- ساعت
- 20:30
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه