تا جمالیندان کنار ائتدی مه بطحا نقاب
خجلتیندن ائتدی پنهان اوز ضیاسین آفتاب
اولدی عالم مقدمیندن رشگ گلزار بهشت
چولقادی دنیا یوزون یکسر شمیم مشک ناب
شمع حسنوندن ایشیقلاندی شبستان فلک
رنگ رخساریندان آلدی کون و مکان آب و تاب
دولدوروبدور نکهت زلفی فضای عالمی
سانکی افلاکه سپوپدور قدسیان عطر و گلاب
چیخدی بیر مه برج عصمتدن که خورشید جهان
فیض انوار جمالیندان ائدر نور اکتساب
موجه گلدی لطفدن دریای عشق و معرفت
ساحل امکانه سالدی بیر دُر نایاب ناب
گوهر دریای رحمت پیکر صدق و صفا
مظهر لطف الهی ملجاء یوم حساب
مهبط وحی ولا اولدی جمالیندان جلی
گلدی تا بنت شه لولاک و کفو بوتراب
تا قدم قویدی جلالیله ترابه رشگدن
گلدی فریاده فلک یالیتنی کنت تراب
من کیمم توصیف ائدم مصداق کوثر وصفنی
بَللیدور تعریف ایدنمز شأن دریادن حباب
من هارا مدح صفات بنت پیغمبر هارا
مدحتین کوثرده تصدیق ایلیوب ام الکتاب
دامنیندن چکمه ال ـشب خیز» اودور باب امید
سال اوزون بو آستانه اول جهاندا کامیاب
- دوشنبه
- 1
- بهمن
- 1397
- ساعت
- 14:39
- نوشته شده توسط
- ابوالفضل عابدی پور
ارسال دیدگاه