دوشموشم تپراقا عطشان یتیش امداده حسین
باشیمون اوسته گلوب حضرت زهراده حسین
گـل علمدارون ئولور- تشنه سردارون ئولور
دورهمی مور و ملخ مثلی آلوب قوم عدو
گتـوره بیلمديم عفو ایله منی اصغره سو
آلمیشام سـو یرینه قانیله بو چولده وضو
سالمیشام تپراقا بیر قرمزی سجاده حسین
****
دگدی سو مشگیمه اوخ سالدی بلا بنده منی
قـزلارونـدان ایلـدی حرملـه شرمنـده منی
سویومون اولماماقی ایتـدی سرافکنـده منی
سویولون گوزلمسون اصغر شهزاده حسین
****
پیکریم باشدان ایاقـه توخانوب اوخ یارادی
سینهمـی شانـه کیمی نیـزه و خنجر دارادی
بیلمورم هیچ یوزوم اوسته یخلان یر هارادی
دوشموشم واردی گمانیم لب دریاده حسین
****
بودی قصدیم گلهسن بیـرده ئوپـم مقدميوی
آلارام جانیمـه هـر محنتـووی هــر غميوی
پرچمون صاحبی سنسن گَل آپار پرچميوی
قالماسـون پرچـم قرآن دل صحراده حسین
****
دِ بـو قانلـی علمـی اهـل یقینـه ویرهلر
خیمـهده زیـنب فرخنـده جبینـه ویرهلر
وطنـه گیتسلــه گــر امبنینــه ویـرهلر
بیلـه سالدیـم دم آخـر اونیـدا یاده حسین
****
گل بـو آخـر نفسيمـده ال اياقوندن ئوپوم
مـه جبينـون، يانورام درد فراقوندن ئوپوم
كسيلن وقته باشيم تشنـه دوداقوندن ئوپوم
صـورا آسـوده ويريم باشيمي جلاّده حسين
****
کربلا زمزمه سی - فرهنگ خدایی
حضرت امام باقرعلیه السلام میفرمایند:
تکبّر مرکب رفتن به جهنّم است.
منبع:سایت مدایح
- پنج شنبه
- 9
- شهریور
- 1391
- ساعت
- 13:9
- نوشته شده توسط
- جواد
ارسال دیدگاه