ای غملرین آماجی دورای منه غم خواریم
گیتدون منی تک قویدون روز اولدی شب تاریم
آغلور بالالار هرآن سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
دوقوز ایلی بیتیمده مِحنت لره توش اولدن
مشکل لرآچان اللر باغلاندی غمه دولدن
سقط اولدی بالان محسن گلشن گلی تک سولدون
دوزمورله بوهجرانه شیوندَدی قیزلاریم
دل ملکی اولوب ویران سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
سن نخل امیدیدون جان ایچره اولان جانیم
هر شب سنه زوّارم ای دینینه قربانیم
گوز یاشیله سو ویررم قبروندی گلستانیم
سس ویرمنه بیر دفعه هم کفو وفا داریم
قبروندی منه رضوان سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
هیچ کیمسه بو عالمده سن تک غمیمی بولمز
واللهی علی بیرده دنیا یوزونه گولمز
باش سجدیه تا قویموب سالمدی علی ئولمز
واقف سن اوزون سرّه ای محرم اسراریم
درد اولدی منه هجران سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
دشمن داشینا سیندی دلده اولان آیینه
باش اگمدییلر الله امر ایلیین آئینه
آخردر و مسماره اولدی یارالی سینه
سینن یاراسیندان دی ای یاره لی دلداریم
غملی منه بو دوران سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
مسمار یاراسین گوردوم غسلون ویرن اثناده
سیلی یری پهلولر گتدی منی فریاده
قانلی در و دیواره باخسام گلرم داده
قان باغلادی بو قلبیم یوخ دورغمه غمخواریم
غرق اولدی ئورک قاندان سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
زهرائیله یاز «عدلی» روحوم اولونوب مدفون
گیزلینجه گیدوب قبره ایلوب منی دل محزون
اولموب نقدر محشر بو قبری اولار مکنون
یاتدی سینه ده یاره دلدار و هواداریم
اولدی بو علی نالان سندن صورا یا زهرا
سنیله گئتدی دنیانون ضیاسی
پوزولدی گلشن دینون صفاسی
- چهارشنبه
- 3
- بهمن
- 1397
- ساعت
- 12:21
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه