او گئجیکه غم زهراده علی خون دلیدی
داغدیده اورگین رام ایلماق مشکلیدی
بی وفا امّته ایلوردی ملک لر نفرین
خواب غفلتده حجاز اهلی یاتوب غافلیدی
کوچه لر خالی و خاموش فلک نیلی پوش
گوئیا وادی بطحایه بلا نازلیدی
بیر گئجیدی او گجه ایولری غم دوتموشدی
گیزلین آغلوردی علی حقّینه کیم قائلیدی
بیر گئجیدی او گئجه فاطمه نون محرابی
خالی قالمیشدی نیاز اهلی شکسته دلیدی
بیر گئجیدی او گئجه روح الامین آغلوردی
سسینه سس ویرن اسرافیل و میکائیلیدی
بیر گئجیدی او گئجه زمزمۀ زهرادن
اینجیین قونشولاری مقصدینه نایلیدی
بیر گئجیدی او گئجه اللری قوینوندا حسن
رام ایدنمیردی حسینی بودا بیر نسگیلدی
بیر گئجیدی او گئجه آه چکنده کلثوم
اود وروردی اورگه شمع شب محفلیدی
بیر گئجیدی او گئجه نوحه دینده زینب
جان دیوردی حسنین گور نجه شیرین دلیدی
بیر گئجیدی او گئجه فضّه وروردی باشینا
قورخودان جسمی اسوردی ایله بیل بسملیدی
بیر گئجیدی او گئجه آهیله سسلوردی علی
بو گئجه غملی بقیع سویگلومون منزلیدی
- یکشنبه
- 7
- بهمن
- 1397
- ساعت
- 9:20
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه