سُوزدی عرش نازیدن
چون ستاره فاطمه
دفن اولوب مزاریده
سینه یاره فاطمه
بخت ایوینده دوقوز ایل یار اولوبدی حیدره
قویدی نقد جانینی کوی عشق دلبره
ایتمدی فلک وفا بو وفالی مادره
دوشدی حیف آز عمریده چوخ فشاره فاطمه
گلشنینده دورت گله باغبان اولوب خانم
تیر محنت وغمه چوخ نشان اولوب خانم
آغلیوب گئجه گونوز باغریقان اولوب خانم
گل مثالی گُلمه دی خوش بهاره فاطمه
توشه عمر نازیدن بار غصه باغلادی
جور رورزگاریدن یاندی سینه داغلادی
تلخ اولوبدی کامینه عمرینون شیرین دادی
حسرت اولدی لذّت روزگاره فاطمه
بیر خانم که واریدی عزتی مدینه ده
دوشدی اعتباریدن دست ظلم و کینه ده
غصّه لر گره گره بار اولوبدی سینه ده
دردینه تاپانمادی راه چاره فاطمه
طالبان سیم و زر تلخ ایدوبله کامینی
سندیروبلا قهریلن معنوی مقامینی
تخت اقتداریدن سالدیلار امامینی
گلدی سوز و سازیلن آه وزاره فاطمه
آچدیلار شیوخ دون ظلمه آیری منظره
زندگی شرنگ اولوب دختر پیمبره
اهل فتنه اود وروب آستان حیدره
دست ظلم ثانیدن دوشدی ناره فاطمه
باز اولوب یانان قاپی دولدی اشقیا ایوه
سالدی محشر اهل کین پاک وبی ریا ایوه
حیدر اولدی دستگیر غم سالوب نوا ایوه
ایتدی سینه سین سپر شهریاره فاطمه
جوجه لر داغیتدی پر دوشدی ناره آشیان
ثانی دنی صفت کینه سین ایدوب عیان
دست بسته حیدرین مسجده چکن زمان
عمرینون قباله سین گوردی پاره فاطمه
- یکشنبه
- 7
- بهمن
- 1397
- ساعت
- 10:0
- نوشته شده توسط
- ابوالفضل عابدی پور
- شاعر:
-
سید تقی سیفی اردبیلی
ارسال دیدگاه