آنا یا فاطمه یاتما اویان دور
حسینین گور ننوعی باغریقان دور
منی بیر ساقلیقون تک آل کناره
منه درد فراقین چوخ گران دور
((گوزون قربانی یاتما
حسینی گوزدن آتما
صفالی ماهتابیم
سپهر غمده باتما))
آنا یا فاطمه یاتما اویان دور
رضا اولمازدون ایلوم ناله بیر آن
عذاره گوز یاشیم ایمدی روان دور
سسیمه ایمدی سن سس ویر آناجان
منی آز نار هجرانیله یاندور
((منی یاندیرما یاخما
آخان قان یاشه باخما
دان اولدوز تک سپهرِ
غم و غربت ده آخما))
آنا یا فاطمه یاتما اویان دور
سنیدی قلبیم اولمازدون رضا سن
او قلبیم لخته لخته ایمدی قاندور
حسن قارداشیم آغلار بیر طرفذه
آنا اولادیوه محشر عیاندور
((ئورک میناسی قاندی
یوزه اشکیم رواندی
نه من کی مجتبانین
ایشی آه و فغاندی))
آنا یا فاطمه یاتما اویان دور
آچوب باش زینبین بیر یاندا آغلار
یولار زلفین قدی غمدن کماندور
اولوب کلثوم اویاندا مو پریشان
آنا وای زینبه ورد زباندور
((قالوبدور زینب ؛آغلار
بو غمده سینه داغلار
فراقه سیل اشکین
باجیم رخساره باغلار))
آنا یا فاطمه یاتما اویان دور
آنا چوخ درد و غم چکدون جهاندا
منیم سنسیز ملالیم جاوداندور
قولین سیندی قاپون یاندوردی دشمن
سنین بو غملرین دلده نهاندور
((ئورکده یاره قویدون
بیزی آواره قویدون
نه گلدی یول گئدنده
الون دیواره قویدون))
آنا یا فاطمه یاتما اویان دور
اولوب اون سگز ایل عمرین جهاندا
زبس غم چکموسن قدین کماندور
اوزین گیتدون خلاص اولدون اگر چه
عیالین صبح و شامی باغریقاندور
((خلاص اولدون جفادن
قوتولدون اشقیادن
ولی بولمم ندن سن
ال ئوزدون مرتضادن))
آنا یا فاطمه یاتما اویان دور
منی سندن صورا مقتول ایده لر
ایدن بو ظلمی قوم کوفیاندور
کسر بو باشیمی شمر جفا جو
زبس بی رحم مخلوق جهان دور
((منه عالم لر آغلار
غمیمده یم لر آغلار
محرم لر گلنده
قرا پرچم لر آغلار))
آنا یا فاطمه یاتما اویان دور
باجیم زینب چیخاندا خیمه لردن
گورر قانلی باشیم نوک سنان دور
یانار آغلار توکر رخساره قانیاش
باجیم زینب منه چوخ مهربان دور
((جدایه باش ووراللار
او باشه داش ووراللار
دوشنده درده ،قارداش
باجیلار،باش ووراللار))
آنا یا فاطمه یاتما اویان دور
ویررسعد اوغلی شمر دونه فرمان
ووروب اود خیمه و خرگاهی یاندور
قزین سسلر سنی اولدم هرایه
آنا گل زینبین حالی یاماندور
((اماندی گل هرایه
منای کربلایه
اودم گل کی باجیمی
قشون آلمیش آرایه))
آنا یا فاطمه یاتما اویان دور
ئولوب قارداشلاریم یوخ پاسبانیم
آلان اطرافیمی بو کوفیان دور
وورار شمر لعین قمچی باشیمدان
دیر زینب نولوب نه الامان دور
((جوشار غم محفلیمدن
نوا قالخار ائلیمدن
امان جور فلک دن
امان شمرین الیندن))
آنا یا فاطمه یاتما اویان دور
چکر شامه کیمی چوخ درد و محنت
یزید بی مروت کامران دور
دوشنده خوردا قیزلار ناقه لردن
قالان چوللرده سسلر ساربان دور
((گرک گوزیاش سئل اولسون
جهان یانسون کول اولسون
روا دور اهل بیته
خرابه،منزل اولسون))
آنا یا فاطمه یاتما اویان دور
حسین آدین «حسینی» ایلوب ازبر
بو اسم پاک اونا ورد زبان دور
شفیع محشره محشرده محبوب
بو عالمده حسینه آغلیان دور
((«مصیب»یاز سوز،آغلا
ریا قاتما دوز آغلا
حسینون ماتمینده
گئجه هم گوندوز آغلا))
آنا یا فاطمه یاتما اویان دور
حسینه آغلا هر قدر عمرین اولسا
حسین اوددان سنی بُل قورتاران دور
عزادار حسین یانماز جزاده
بکا ابکا بونا شرح و بیان دور
((حسین تاج سران دی
صفای روح و جان دی
بیلون یانماز او کس کی
حسینه آغلیاندی))
آنا یا فاطمه یاتما اویان دور
مرحوم حسینی سعدی زمان
و (( محمدعلی مصیبی تبریزی ))
- یکشنبه
- 7
- بهمن
- 1397
- ساعت
- 10:36
- نوشته شده توسط
- ابوالفضل عابدی پور
- شاعر:
-
سعدی زمان سیدرضا حسینی
ارسال دیدگاه