حضرت زهرا (س) :
بنده حّی غفور عالمه مولا علی
سسلوری گل آدیوی یکسره دنیا علی
گل باشیمون اوستونه پیک اجل گلممیش
تا سنه عرض ایلسون دردینی زهرا علی
ای منیم دلداریم یاعلی
غم گونی غمخواریم یاعلی
مظلوم علی(2)
حضرت علی (ع) :
آیریلیقون صحبتین فاطمه سالما دیله
زورق امّیدیمی قویما که باتسون گله
سنسیز اولار فاطمه بیکس و تنها علی
فاطمه گئتسن دوشر شیرخدا مشکله
ای جانیم جانانیم فاطمه
وئر صحبتِ هجره خاتمه
گئتمه زهرا(2)
حضرت زهرا (س) :
یوخدور عمواوغلی علی آیریلیقون چاره سی
اولدی خراب صبر ائوین ظلمیله دیواره سی
تاب و توان سلب اولوب فاطمه دن یاعلی
ایلور اذیت منه بو قولومون یاره سی
ای منیم دلداریم یاعلی
غم گونی غمخواریم یاعلی
مظلوم علی(2)
حضرت علی (ع) :
سنسیز عمواوغلون علی غملره مأنوس اولار
گئتسن اگر فاطمه گل کیمی زینب سولار
آغلار حسین و حسن عالمی قان آغلادار
زینب و کلثوم ائدر فرقتیوه آه و زار
ای جانیم جانانیم فاطمه
وئر صحبتِ هجره خاتمه
گئتمه زهرا(2)
حضرت زهرا (س) :
سوره یاسین اوخی ایلمه اشکون روان
فخر ائدرم صوتیوه ای سسی آرام جان
گتملیم من آتام محضرینه یاعلی
فاطمه دن اوتری سن ایلمه آه و فغان
ای منیم دلداریم یاعلی
غم گونی غمخواریم یاعلی
مظلوم علی(2)
- چهارشنبه
- 10
- بهمن
- 1397
- ساعت
- 9:51
- نوشته شده توسط
- ابوالفضل عابدی پور
- شاعر:
-
امین جوانمرد
ارسال دیدگاه