ای خدا گوندر بو عصرین صاحبین
حجت حق لیل قدرین صاحبین
دوندی گونلر هفته لر آیلار ایله
قالدی گوزلر یولدا یارب رحم ائله
غصه دن خسته اورك دینجلمدی
یوسف زهرای اطهر گلمدی
جمعه جمعه عومروموز چاتدی باشا
جام صبریم آز قالیر دگسین داشا
هاردادیر اهل ولانین دلبری
دین و قرانین حقیقی رهبری
بس هاچان باشه چاتار بو انتظار
قالمادی یارب اورکلرده قرار
روز و شب ذکریم اولوبدور الامان
هارداسان گل داده یا صاحب زمان
هارداسان ای درده درمان هارداسان
سن گلن یوللاره قربان هارداسان
گل فراقیندن اورکلر قان اولوب
بو جهان عاشقلره زندان اولوب
دولدوروب ریب و ریا محفل لری
حب دنیا مست ائدیب عاقل لری
قالمیب رحم و مروتدن اثر
یوخ داخی عشق و صداقتدن خبر
یئر اوزی مکر و خیانتلن دولوب
هاردا حق وار ظلمیله پامال اولوب
دسترس ده اولدی اسباب گناه
عمروموز اولدی گناهیله تباه
آز قالیر تعطیل اولا احکام دین
شیعه نی درک ایله ای حبل المتین
پس هاچان باشه یئته ر غیبت آقا
گل گتیر انسانلارا عزت آقا
ای صراط حقه میزان هارداسان
محیی احكام قران هارداسان
گل دولوب ظولمیله دنیای دنی
گوزلیور مظلوم لار چوخدان سنی
ظلمده طغیان ائدیر اهل جفا
هر گون عاشورادی هر یئر کربلا
هر طرفدن قوزانیر افغان سسی
نیزه باشیندن گلیر قران سسی
کربلا داغی هله دیللرده دی
کاروانی عمه وین چوللر ده دی
اذن آل ای منتقم داداریدن
آل حسینین قانینی اشراریدن
تا جهان وار دولتین پاینده دی
عالمین چشم امیدی سنده دی
یوسف زهرای اطهر هارداسان
ای جمالی حق مظهر هارداسان
هارداسان ای درده درمان هارداسان
سن گلن یوللاره قوربان هارداسان
گل بیزی ایله تصدق باشیوه
جان فدا اوچ یوز اون اوچ یولداشیوه
تشنۀ جام صداقت دیر جهان
یول گوزتلیر منتظرلر ناگران
عمروموز قورتاردی حسرتده آقا
گل ئوزون تعجیلیوه ایله دعا
غرق اولوبدی شبهه ده اهل جهان
گل اوزون وئر حق یولون خلقه نشان
بحر غمده قالمیشوخ آواره گل
درد الیندن اولموشوخ بیچاره گل
عالمین شور و صفاسی سنده دی
هر چتین دردین دواسی سنده دی
قالدی غربتده ولا اهلی آقا
چاره سیز قالمیش دعا اهلی اقا
ای ایشیقلی ماه تابان هارداسان
کشور عشقه سلیمان هارداسان
هارداسان ای درده درمان هارداسان
گل گلن یوللاره قوربان هارداسان
گل نجه گور غملی طوفاندیر اقا
شیعه لر مظلوم دوران دیر آقا
آلدی هجران اهل دردین صبرینی
گل نشان وئر کنز عصمت قبرینی
گل گوزتلیر حضرت زهرا سنی
سسلیری داده اگر چی فضه نی
تا قاپی یاندی اوجالدی همهمه
زینب و کلثوم باتدی ماتمه
بیر حزین سس عالمه وردی تکان
هارداسان گل داده یا صاحب زمان
داده گل فضه چوخالدی موشکلوم
دست ظلمیله خزان اولدی گولوم
سینه می مسمار کینه بولدی گل
من بویاندیم قانه محسن اولدی گل
گل یوبانما قالمادی منده توان
هارداسان ظلمیله اولدوم باغریقان
گل گتیر بو درده درمان هارداسان
گل گلن یوللاره قربان هارداسان
- چهارشنبه
- 10
- بهمن
- 1397
- ساعت
- 10:0
- نوشته شده توسط
- ابوالفضل عابدی پور
- شاعر:
-
محمد هوشمند
ارسال دیدگاه