ای یم عصمتده صدف فاطمه
گوهر دریای شرف فاطمه
قدّینی غم ائتدی کمان حیف اولا
صولدی گل باغ جنان حیف اولا
گلشن طاهاده آچان بیر گُلی
باد جفا ائتدی خزان حیف اولا
فاطمه نین بعد پیمبر اولوب
سینه سی مسماره نشان حیف اولا
امّت الیندن او خانم اینجیدی
قلبی اولوب دهریده قان حیف اولا
گونلر ائوینده اوتوروب آغلادی
گوگلونی اولمازدی آلان حیف اولا
اون بیر امامین آناسی فاطمه
تپراقا دفن اولدی نهان حیف اولا
حیدر کرّاری قوجاتدی ولی
قبره ائوینه گئتدی جوان حیف اولا
دورت بالاسی صولدی صولان گُل کیمی
زینبه درد اولدی گران حیف اولا
قبر ائوینه سینه ده یاره گیدوب
اوزدی الین دورت بالادان حیف اولا
ای "رضوی" اولماسا گر گوزیاشین
سینه ده وار جعلی نشان حیف اولا
- چهارشنبه
- 10
- بهمن
- 1397
- ساعت
- 10:3
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه