جان جهان زهرا، حیدره جان زهرا
قلبیمی قان ایتمه، یاتما اویان زهرا
آدامسیزام زهرا
عصمت خلاقِ ،حیِّ جلی زهرا
زینتِ رضوانِ ، لم یزلی زهرا
آدامسیزام زهرا
ای منیم گوزل نگاریم فاطمه
ای منیم گولوم بهاریم فاطمه
رحم ایله ، عم اوغلوی ترک ایلمه
یالقوزام دور ای قراریم فاطمه
((دردیم دواسی زهرا
روحیم صفاسی زهرا
گیزلینده قبره گئتمیش
گیزلین یاراسی زهرا)) (1)
زهرا زهرا یا زهرا ...
قانه دونوب سنسیز ، قلب علی زهرا
همدمین عالمده ، تکجه قویان زهرا
آدامسیزام زهرا
آچ گوزووی یاتما ، زینبی آغلاتما
قلبیمی قان ایتمه، یاتما اویان زهرا
آدامسیزام زهرا
ای منیم گوزل ...
باغ وبهاریمسن، نازلی نگاریمسن
تاج سریم زهرا ، عزّ و وقاریمسن
غم گونی عالمده، صبر و قراریمسن
حیدری تک قویما ، سویگولی جان زهرا
آدامسیزام زهرا
ای منیم گوزل ...
سِجنیدی بو عالم، فاطمه جان سنسیز
همدمیم اولموش غم، روحه روان سنسیز
عرشه چیخور دیلدن، آه و فغان سنسیز
نار مصیبتدن، وای الامان زهرا
آدامسیزام زهرا
ای منیم گوزل ...
سنسیز علی ای گول، دیده سی گریاندی
حیدریچون همدم، روز وشب افغاندی
غنچه لرون نالان، سینه سی سوزاندی
گوزده اولوبدور گوز ، یاشلاری قان زهرا
آدامسیزام زهرا
ای منیم گوزل ...
باغلامارام بئل بو، دهره وفا یوخدی
فاطمه جان سنسیز ، عمره صفا یوخدی
باغریم اولوب القان ، درده دوا یوخدی
اولموش عم اوغلون گور، قدی کمان زهرا
آدامسیزام زهرا
ای منیم گوزل ...
«ثاقب»اولوبدور یاز، یاس علی پرپر
غنچه لر اطرافین، آلمیش آنا سویلر
جمله ملر نالان، گوزیاش الر حیدر
گیتدی اولوب زیبِ، باغ جنان زهرا
جان جهان زهرا
ـــــــــــــ
(1) از سیفی_اردبیلی
- چهارشنبه
- 10
- بهمن
- 1397
- ساعت
- 11:32
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه