برگ نیلوفر هارا فلسفه نار هارا
مخزن سرّ خدا و در و دیوار هارا
نجه بی قاعده دور قاعدهٔ چرخ فلک
داش هارا؟شیشه هارا؟ یاسمن و خار هارا
یارادوب گورنجه زیبا یارادان فاطمه نی
زینت خلقت هارا، ثانیِ جبار هارا
قولی سیندی قاپونی آچمادی ظالم یوزونه
قبلهٔ عشق هارا، جای ستمکار هارا
ظلمه باخ گورمه دی بیرلحظه جگرگوشه سینی
سینهٔ فاطمه و قصه مسمار هارا
سینه یه اولمادی مرهم قان آپاردی یاراسین
نه بالا فاطمه نی گوردی نه زهرا بالاسین
محسنین نسگیلی یاندیردی دل امّتینی
اودا تکمیل ایلدی فاطمه نین نهضتینی
گورمه دی عالمی لمس ایلدی بطنینده اوتی
هاردا اثبات ایلدی گور علوی غیرتینی
جنّته ویردولار آتش، بالانین عشقینه باخ
بطنیده ردّ ایلدی بیشرفین بیعتینی
فقط الله بولور اوردا نه چکوب طایر عدن
اؤزون احساس ائله اوچ یوز نفرین قدرتینی
ضربه اوچ یوز نفریندی قاپودا تخته قاپی
پشت در حامله عورت، یازوم اول ساعتینی
ویردی ثانی او هیاهوده لگد بیر قاپویا
نُه رواقین او دنی طاق ایلدی طاقتینی
او کشاکشده نه اولدی، یاخولوب قان قاپویا
ناکیشی ساخلامادی او قاپونون حرمتینی
آچیلاندا قاپی، مسمار باتوب سینه سینه
بالایا خاطر چوخ اگمه دی دوز قامتینی
او فشاره بالا بطنینده دئدی یازهرااا
نُه سما بیربیره دگدی قوتاریم صحبتینی
سسلدی فضّیه امدادیمه گل اؤلدی بالام
سینه مین قانی سوزور قویمور ایاق اوسته دورام
سن یاپوش قوزا دوروم، گورسه علی قلبی یانار
قولّاری باغلیدی بیر ایش گوره بولمز اوتانار
نچه ایللردی«فقیرین» گوزی وار درگهیزه
سایهٔ مرحمتیزده ننه جان دالدالانار
- پنج شنبه
- 11
- بهمن
- 1397
- ساعت
- 11:57
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه