گل عم اوغلی دانیشاق عشق و وفادن ایکیمیز
دل و دلبر سوز آچاق صدق و صفادن ایکیمیز
دم غنیمتدی وفا یوخدی بو آز عمریلره
مست اولاق باده سرشار ولادن ایکیمیز
آیریلق تلخیدی اما بیلوسن چاره سی یوخ
گل دویونجا دانیشاق شرط بقادن ایکیمز
آز قالور فاطمه نون غصه لی عمری قوتارا
جان دییک، جان ایشیدک راه وفادن ایکیمیز
بو فلک ، قویمادی بیر دهریده گلسون یوزوموز
تنگه گلدوک نجه گور جور جفادن ایکیمیز
هم منیم حقیمی غصب ایلدیلر همده سنون
لحظه دینجلمدوک عالمده بلادن ایکیمیز
سنون حقون آرادان گیتدی منیمده فدکیم
نه بلالر چکوروک قوم دغادن ایکیمیز
مردمون سوزلری اصلا عملینن اوخومور
دائما منزجروخ ریب و ریادن ایکیمیز
ستم ثانی ایدوب گور نجه قان قلبیمیزی
چوخ جفا گوردوک اوبی شرم وحیادن ایکیمیز
یغوب اوچ یوز نفری گتدی او ظالم قاپیا
تبعیت ایلدوک حکم قضادن ایکیمز
آتش کینیه صد حیف اولا یاندی قاپیمیز
صحنۀ محشره بیر آندا دولاندی قاپیمیز
- یکشنبه
- 14
- بهمن
- 1397
- ساعت
- 11:13
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه