هر چتین دردین دواسی حضرت زهراده دی
گر مریض اولسان شفاسی حضرت زهراده دی
باخ جلال وشأنینه دوقوز آدا دارادی بو
نوری الله نوریدی هر کیمسه دن والادی بو
مصطفی نون مرتضی نون علمینه دارادی بو
یعنی پیغمبر عطاسی حضرت زهراده دی
آسمان عصمته برج حیا دور فاطمه
تابع امر ولی دور با وفا دور فاطمه
زوجه پاک علی المرتضی دور فاطمه
مرتضی نینده صفاسی حضرت زهراده دی
بخشش و جود سخا بو درگه والاده دی
درد الیندن عاشق زهرا اگر آواره دی
ناعلاجون دردینه زهرا آدین دئ ، چاره دی
هر چتین دردین چاراسی حضرت زهراده دی
گر محب فاطمه یانسا آلیشسا دردیلن
صفحه رخصارینه دردی یازیلسا اشگیلن
با جلالت دامنیندن گر یاپیشسا صدقیلن
مطمئن بولسون دعاسی حضرت زهراده دی
فاطمه کل بو دنیایه وئروب درس وفا
ایلیوبدور مستحقه درگهین باب سخا
اوز عروسی کوینگونده سائله ایلوب عطا
عالمون لطف و سخاسی حضرت زهراده دی
ذکر یا زهرا دئسن مشکل لرون آسان اولار
گوزلرون یاشی گوزونده چشمه تک جوشان اولار
صدقیلن دلدن چاغورسان دردیوه درمان اولار
چونکی هر دردون دواسی حضرت زهراده دی
یاز مُطَلِّب یاز دئنن زهرا سنه قربان جانیم
آدووی یازدوقجا قلبیمده قوپوب طوفان خانیم
اولمادی یانّام ئولنجه دردیوه درمان خانیم
ایندی اما دردلرون زهرا دواسی سنده دی
- یکشنبه
- 14
- بهمن
- 1397
- ساعت
- 11:26
- نوشته شده توسط
- ابوالفضل عابدی پور
- شاعر:
-
قربان مُطَلِّبی
ارسال دیدگاه