بهار عیشی ظلمیله
خزان اولوب سولان آنا
آز عمریله جهاندا چوخ
غمه اولان نشان آنا
نقدری وار نفس گرک سالام خیاله محنتون
آدون دلیمده روز و شب یانوب دیم مصیبتون
زمانه ده سنین آنا بو چکدیقون اذیتون
قویوبدی دیده تر منی ایدوبدی باغریقان آنا
قاپون یانوبدی ظلمیله مصیبتین پدید اولوب
دوشوب شراره قلبیوه آنا غمین مزید اولوب
یتوبدی صدمه محسنون او صدمه دن شهید اولوب
همان او حالی یاد ائدوب قان آغلارام هر آن آنا
گلوب فغانه اوخشارام فراق ائوینده صبح و شام
یانقلی قلبیله سنه قان آغلارام عَلَی الدَّوام
اؤرکده داغ حسرتین غم و ملالیله مدام
اولورعذاره گوزیاشیم روانه هر زمان آنا
غمین ائدوبدی آشنا بو زینبی بلائیله
حسینویله آغلارام غمینده های هائیله
نقدری واردی منده جان دیوب بو مجتبائیله
جفای امّتیله وای قاپوسی باغلانان آنا
ائدوبدی چوخ اثرغمین بو ناتوان حسینیوه
اوزون گلوب تسلّی ویر بو باغریقان حسینیوه
باخاندا قلبیم اود دوتور یانور یانان حسینیوه
بو نوعی قویما آغلاسین حسینی مهربان آنا
عزیزیدیم زمانه ده یتوشدی باشه عزّتیم
چتین آنا یوزوم گوله سنیله گئتدی حرمتیم
اولار زیاده گون بگون داخی منیم مصیبتیم
ز بسکه غم هجوم ایدر ایشیم اولوب فغان آنا
نولور بو زینبین آنا ئولیدی سن ئولن گونی
ویریدی قورتولیدی جان سنه کفن ایدن گونی
باشیندا چوخ بلاسی وار قاباقدا بیر گلن گونی
همان او گونده باغلانار بو غملی دودمان آنا
هانی او گونلریم که سن منه نگاهداریدون
سنیله شادمانیدوم غمیم ده غمگساریدون
جهاندا غصّه بُلمدیم آنا نقدری واریدون
نه چاره ایمدی حالیمه یوخومدی بیر یانان آنا
بلالی زینبم اودورمصیبت آشنالیم
باشیمدا قاره سینه دن یارالیم یارالیم
چتین آچام بو قاره نی ئولنجه من عزالیم
قالار بو قاره تا وارام باشیمدا جاودان آنا
خلوص نیتیله چون تاپوب طریق معرفت
ایکی جهاندا قیل عطا «بهاره» قدر و منزلت
بو خدمتین قبول ایله نظرده محتشم صفت
آدین کتاب غمده یاز حسینه نوحه خوان آنا
- سه شنبه
- 16
- بهمن
- 1397
- ساعت
- 10:51
- نوشته شده توسط
- ابوالفضل عابدی پور
- شاعر:
-
مرحوم محمود توتونچی
ارسال دیدگاه