قویما چوخ حالی پریشانون اولوم
بیر بیله دیده سی گریانون اولوم
آیرولوق موسیمدور ناز ایلمه
گوزون آچ فاطمه قربانون اولوم
گوزون آچ بیرجه نظر قیل یوزومه
باشون اوستونده باخ آغلارگوزومه
باشوی قویما یره قوی دیزیمه
گوزون آچ فاطمه قربانون اولوم
ای یوزی نوگل گلزار جنان
قویمیوب درد و غمین منده توان
ایلیوب آیرولوقون باغریمی قان
گوزون آچ فاطمه قربانون اولوم
گلموشم سنله یانیب آغلاماقا
باشون اوستونده اورک داغلاماقا
صون نفسده گوزیوی باغلاماقا
گوزون آچ فاطمه قربانون اولوم
ای یوزی نوگل گلزار جنان
قویمیوب درد و غمین منده توان
ایلیوب آیریلوقون باغریمی قان
گوزون آچ فاطمه قربانون اولوم
گلموشم سنله یانیب آغلاماقا
باشون اوستونده اورک داغلاماقا
صون نفسده گوزیوی باغلاماقا
گوزون آچ فاطمه قربانون اولوم
ظلمودن اهل جفا دویمادیلار
رخت جورو ستمی سویما دیلار
ایوده آسوده سنی قویما دیلار
گوزون آچ فاطمه قربانون اولوم
محضر یاره گیدوب یتملیسن
بولورم بیزلری ترک ایتملیسن
جدّیوین یانینه سن گیتملیسن
گوزون آچ فاطمه قربانون اولوم
ویرموری اشگ تریم گرچه امان
بیرسوزوم وارقوی ایدوم لیک بیان
جدّیوه گل یوزیوی ویرمه نشان
گوزون آچ فاطمه قربانون اولوم
سن بو ایوده منیله هم دمیدون
هرنهان سرّیمه سن محرمیدون
منه هرغمده شریک غمیدون
گوزون آچ فاطمه قربانون اولوم
عمریوون گلشنی چون سولدی سنون
سولدی بو نو گل یاس و چمنون
بوینی چیگنینده قالوبدور حسنون
گوزون آچ فاطمه قربانون اولوم
سنسیزاشگین بوحسین قانه قاتار
سن تک آفاقی داخی گوزدن آتار
کوفه شهرینده کول اوستونده یاتار
گوزون آچ فاطمه قربانون اولوم
- سه شنبه
- 16
- بهمن
- 1397
- ساعت
- 11:2
- نوشته شده توسط
- ابوالفضل عابدی پور
- شاعر:
-
مرحوم غلامعلی باقری
ارسال دیدگاه