• پنج شنبه 9 فروردین 03


متن شعر ترکی حالات حضرت ام البنین سلام الله علیها -(کیم توسّل ایلسه ایلر نظر امّ البنین)

1967
3

کیم توسّل ایلسه ایلر نظر امّ البنین
مادر عبّاسیدور نیکو سیر امّ البنین


منزل مولایه گلدی اول زمانی که عروس
ئوپدی زهرا گوللرین اُول باغبان باخلوص
قصر تقوا و ادبده فاطمه ائتدی جلوس
اوّل اولاد علینون اللریندن ائتدی بوس
عرض ائدوبدی باشیزه هر گون دؤنر ، امّ البنین


شاه بانوی گرام حضرت شاه حجیز
مام سبطینون غمینده اوّل اولدی اشکریز
فاطمه اولادینی دوتدی ایکی گوزدن عزیز
گلموشم عرض ایلدی بو آستانه من کنیز
درگه زهرانی فخریله ئوپر ، امّ البنین


مرتضانین منزلی شوقیله اولدی خانه سی
حیدره همدم اولوبدی همسر فرزانه سی
گوردی زهرانون قالوب ائوده نچه ریحانه سی
هم اولوبدی باغبان هم اونلارون پروانه سی
دورت گوله خدمت ائدوب شام و سحر  ، امّ البنین


حامله اولدی ابوالفضله گُل تر بسلدی
بحر اخلاص و وفاده دُر و گوهر بسلدی
آسمان هاشمیده ماه انور بسلدی
زادۀ پیغمبره عباسی نوکر بسلدی
بسلیوب زهرایه بیر نور بصر ، امّ البنین


گلشن مولاده گولدن با طراوت اوغلی وار
جنگلرده مثل حیدر با شجاعت اوغلی وار
بحر طوفانزای غیرت با شهامت اوغلی وار
داغ کیمی پر استقامت با صلابت اوغلی وار
دوغمیوب عباسیدن مادر مگر ، امّ البنین


بسلیوبدی بیر اوغول طاهایه اولموش دلپذیر
بسلیوبدی بیر اوغول دعواده چون شیر اوغلی شیر
نوکر شاه شهیدان لشگر حقّه امیر
هیکل مردانگی غیرتده مرد بی نظیر
بسلیوب عباس تک قرص قمر ، امّ البنین


بسلیوبدی بیر اوغول بیر عمر حقدن دو ووروب
بسلیوبدی بیر اوغول کفرین صفین برهم ووروب
بسلیوبدی بیر اوغول نهر اوستونه پرچم ووروب
کربلاده مارده بیر نیزه ی محکم ووروب
اولموش الحق مادر فتح و ظفر ، امّ البنین


بیر خانمدی بو خانم نام بلند آوازی وار
حجت حق مرتضی تک همسر و همرازی وار
گلشن آل علیده گور نه سرو نازی وار
عرصه ی هیجاده پروازه گلن شهبازی وار
صود ویروب عباسه اول صاحب هنر ، امّ البنین


کربلایه گئتدی مولاسی حسین میر حرم
یوللادی دورد اوغلونی مولائیله اول محترم
دورد اوغولدان یثربه گلدی همان اخبار غم
بیر فقط عباسیدن گلدی نشان مشک و علم
هامی بیلدی منزله قاره چکر ، امّ البنین


ایچدیلر جام شهادت آل حیدر گلمدی
گوللری یکسر سولوبدی اولدی پرپر گلمدی
غملی خواهر لر گلوب اما برادر گلمدی
نه ابوالفضل و نه فضل و عون و جعفر گلمدی
گوزلری یوللاردا قالدی خونجگر ، امّ البنین


هی دیردی ای اباالفضل ای علیدن یادگار
ای منه ارشد اوغول ای قهرمان نامدار
اولموسان قربان حسینه ایلورم من افتخار
گوزلریم قالدی ولی یوللاردا اوغلوم انتظار
درد هجروندن اولوبدی دیده تر ، امّ البنین


چلچراغ منزلیم ای ماه فرخنده جمال
قویمادون زحمتلریم عالمده اولسون پایمال
سربلند ائتدون منی بو سوزده یوخ جای مقال
راضی اولدی فاطمه سندن ، صودوم اولسون حلال
محضر زهراده اولدی مفتخر ، امّ البنین


فاطمه احسن دیوب کرداریوه ایثاریوه
دخت پیغمبر ئوزی قیمت وئروب قوللاریوه
قولسوز اما دوشموسن صدمه یتوب رخساریوه
فاطمه بیلمم نجه باخدی سر خونباریوه
بو سوزی بیلدی تاپوب حال دگر ، امّ البنین


گوئیا قیلدی مخاطب ماه غیرت اخترین
یعنی عبدالله او عباس دلاور بنزرین
اوغلومون اوغلوم سالوب دشمن دیوللر اللرین
آیری بیر حاله سالوبلار کربلاده پیکرین
مطلبه آگاه اولاندان اشک اَلَر ، امّ البنین


واردی بیر مطلب اوغول دشوار اولور گفت و شنود
اود دوتوب قلبیم یانور آگاه اولاندان مثل عود
گور مسلمان نیلیوب حیران قالوب قوم یهود
اوغلومون عریان باشیندان وورموش اعدا بیر عمود
حقی وار گور اوغلوم اولسا خم کمر ، امّ البنین


غصه لی قلبیم بو سوزده گلدی درده آی بالا
باش سینوب قانی چکوب گوزلرده پرده آی بالا
نیزه اللرده گلوب لشگر نبرده آی بالا
ووردولار نامردیلر نیزه او مرده آی بالا
یاده دوشدوقجا باشا توپراق سَپَر ، امّ البنین


بیر بیله حالدا او قانلی پیکره لنگر دوشوب
مرکب اوستوندن همای قاف حق بی پر دوشوب
قرمزی گول تک و یا بیر لاله ی احمر دوشوب
یوز دگوب توپراقه چون قولسوز یره پیکر دوشوب
ایندی گور اوغلوم داخی جانه گلر ، امّ البنین


جان وئرن وقته دئدی دیداریوه دلبسته یم
درد هجر و غصه دن عالمده الان خسته یم
دورد اوغول داغی گوروب شهپرلری بشکسته یم
دادیمه تئز گل بالا یثربده من جان اوسته یم
آدیوی جان اوسته تئز تئز سسلنر ، امّ البنین


دل ائدوب ازبر آدون روز ازل عباس اوغول
نام پاکین دلده چون شهد و عسل عباس اوغول
گَل بویون قربانی گَل گَلدی اجل عباس اوغول
جان وئرور الان آنان امداده گل عباس اوغول
وای اباالفضلیم دیوب دیلدن دوشر ، امّ البنین


  • سه شنبه
  • 23
  • بهمن
  • 1397
  • ساعت
  • 13:46
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران