• پنج شنبه 9 فروردین 03


زبانحال حضرت ام البنین (س) با حضرت ابوالفضل (ع) سوال و جواب -(گل کرب و بلادن منه بیر آغلا ابالفضل)

790

گل کرب و بلادن منه بیر آغلا ابالفضل
یانمیش سینوی محنتیمه داغلا ابالفضل

جان اوسته آنان ،قبر ائوینه گئتمه میش اوغلوم
گل الّریویله گوزومی باغلا ابالفضل




پایانه چاتوب عمروم اوغول دادیمه تئز گل
گل حالِ پریشانیمی سن ایله محوَّل
هیجرونده اوغول ساچلاریم آغ اولدی مدلّل
بیر الّریوی قوی سینمه سوهرا ده دینجل

گل کرب و بلادن منه بیر آغلا ابالفضل
گل الّریویله گوزومی باغلا ابالفضل




هئچ بیلمزیدیم اوغلی اولَنلَر نه چکیلّر
یانمیش سینییه غملی بلادن نه اکیلّر
هر صبح مسا آخشاماجان قان یاش اَلیلّر
بیلدیم کی نیه سینه لرون غمده دَلیلّر

گل کرب و بلادن منه بیر آغلا ابالفضل
گل الّریویله گوزومی باغلا ابالفضل




عبدوالَّهیوه من دئمیشیدیم گله جاقسان
نازین ده چگیب، گوز یاشینی هم سیله جاقسان
بیر گون اولاجاق کی آتاویله گوله جاقسان
هئچ بیلمزیدیم کربوبلاده اوله جاقسان

گل کرب و بلادن منه بیر آغلا ابالفضل
گل الّریویله گوزومی باغلا ابالفضل




زینب گتیروبدور منه سندن علم اوغلوم
فیکرون منی هئچ قویمادی بیر دم گولم اوغلوم
شرح ائتدی نجور قولّارین اولدی قلم اوغلوم
بیر بیله مصیبتده گرگدیر اولم اوغلوم

گل کرب و بلادن منه بیر آغلا ابالفضل
گل الّریویله گوزومی باغلا ابالفضل




فخر ایلیورم اوغلوم علمدار حسیندور
من نوکر زهرا او مددکار حسیندور
هم عاشق دلبسته دی،غمخوار حسیندور
هم کربوبلاده او سپهدار حسیندور

گل کرب و بلادن منه بیر آغلا ابالفضل
گل الّریویله گوزومی باغلا ابالفضل

 
جواب حضرت ابالفضل علیه السلام


اوچ پر دیوب اوخ گوزلریمه آغلیا بیلمم
چارم ندی پس سینه میده داغلیا بیلمم

نهر اوسته آنا مشکه گوره مشکله دوشدوم
قولّار کسیلیب گوزلریوی باغلیا بیلمم


شرمنده دی اوغلون آنا اصغر آناسیندان
گوز کولگه لیدور حضرت زهرا بالاسیندان
نهر اوسته یاتوب قانی آخور هی یاراسیندان
شرمنده دی اوغلون گوزوون باغلاماسیندان

اوچ پر دیوب اوخ گوزلریمه آغلیا بیلمم
قولّار کسیلیب گوزلریوی باغلیا بیلمم




زینب یئته جک دادیوه ای اٌمِّ علمدار
چوخ غم یئمه آغلار عوضیمدن سنه دلدار
داغلار سینه سین حالِ پریشانیوه ، غمخوار
باغلار گوزووی من بیلورم هم سنه اوخشار

اوچ پر دیوب اوخ گوزلریمه آغلیا بیلمم
قولّار کسیلیب گوزلریوی باغلیا بیلمم




عبدالَّهیمه سویله بابان گلمیه جاقدور
دای آغلاماسین گوز یاشینی سیلمیه جاقدور
غملرده یانوبدور اورگی گولـمیه جاقدور
گوزلور یولووی هرکئجه فیکرینده اویاقدیر

اوچ پر دیوب اوخ گوزلریمه آغلیا بیلمم
قولّار کسیلیب گوزلریوی باغلیا بیلمم

  • سه شنبه
  • 23
  • بهمن
  • 1397
  • ساعت
  • 14:12
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران