کاش اولا بو امّ البنین فدا
خردا قبریوه ای رشید اوغول
فاطمه یانندا بو بیکسی
ایلدون عجب روسفید اوغول
هم اوزون اولوبسان سعید اوغول
واردی چون آنالیق محبّتی
من سنه گجه گوندوز آغلارام
وار نقدر عمریم سیزیلدارام
ناله ایلرم سینه داغلارام
تشنه لب حسینیم شهید اولوب
چونکه باشیمه قاره باغلارام
ساخلارام ئولونجه سنه عزا
هم حسینیمه ای رشید اوغول
ایلیوم نه چاره بو درده من
نه ئولوم گلور نه اولور وصال
محشره قالوب بازدیدیمیز
گورماقیم سنی من اولوب محال
لاکن اولسون ای نور چشم من
سن کیمی بالایه سودوم حلال
هر ایکی جهاندا سن ایلدون
بو اوغولسوزی روسفید اوغول
دورت بالام الیمدن گئدوب منیم
ای اوغول اوغولسوز قالوب آنان
بیر نفر تاپولمور بو بیکسین
دردینه یتوب حالینه یانان
ورد ذکریم ایوای اوغول اولوب
صبح و شام اولوبدور ایشیم فغان
سن همیشه امّیدیدون منه
ایلدون منی ناامید اوغول
من بولوردوم ازّلدن ای اوغول
وار سنون نقدری رشادتون
حیف اولا آنان گورمدی سنون
کربلا چولونده شجاعتون
چوخ اثر ائدوبدور حسینیمه
ای اوغول ابوالفضل شهادتون
قطع اولوب امیدی بِئلی سنوب
سن اولان زماندا شهید اوغول
یادیمه دوشر سرو قامتون
چون سبب اولور شور و شینیمه
لیک من سنی نوکر ائتمیشم
ای بالا ازلدن حسینیمه
قول وئروب کچوب باش و جاندن
اولموسان فدا نور عینیمه
راضیم بو سودایه هم اؤزی
راضیدور خدای مجید اوغول
نقل ائدر باجون جنگ ائدنده سن
اهل کوفه حیرتده قالدیلار
جدّ و جهد ائدوبلر اوغول سنون
قولّاریوی ازّلده سالدیلار
هاله ویردیلار مثل دایره
دوره وی او کافرلر آلدیلار
اُول قدر ویروب نیزه ده قلج
جسمیوه سپاه یزید اوغول
آخر عمریده زینبیم دیور
ائتموسن عجب خالقه سجود
اوندا که اوزون قولّارون دوشوب
باشیوه دگنده دمیر عمود
سن دوشنده آتدان یره اوغول
روحون ایلیوب گوگلره صعود
ال تاپوب سنه جسم پاکیوی
دوغریوبدی قوم عنید اوغول
حیف اولا او دشت بلاده من
اولمادیم سنه آغلیانمادیم
باشیمی آچوب ناله ایلیوب
سینمی اوغول داغلیانمادیم
جان وئرن زمانونده من سنون
گوزلرون اوغول باغلیانمادیم
زینبیم دیور وئرموسن نجه
جان منیم گوزیمدن بعید اوغول
نه اولوب نه صدمه یتوب سنه
من خبر بو زینبدن آلموشام
ائتمیشم پریشان بو زلفیمی
باشیمه اوغول قاره سالمیشام
عزّتیم سنیله گئدوب اوغول
ایمدی گور نه احواله قالمیشام
دورت اوغول آناسیدی بو آنان
قالمیشام اوغولسوز وحید اوغول
من بو قدر بولّم رشید اوغول
دوشمییدی گر قولّارون سنون
جرأت ایلیوبدور دمیر عمود
باشیوه وورانمازدی دشمنون
وای منه بئله نقل ائدور باجون
وار اوغول سنون خردا مدفنون
باشیمه کول اولسون او جسمیوه
نیلیوبدی قوم وعید اوغول
وئر قسم بو امّ البنینی سن
اوز بالاسی عبّاسه «شوریا»
عرض قیل اولوم من سنه فدا
وار حوائجیم قیل اوزون اداء
جمعلن گوریدوخ که اولموشوخ
اربعینی زوّار کربلا
بیز آنان دلینجه دیاخ منی
قویموسان ملر ای رشید اوغول
- چهارشنبه
- 24
- بهمن
- 1397
- ساعت
- 18:24
- نوشته شده توسط
- ابوالفضل عابدی پور
ارسال دیدگاه