ام البنینم من علمدارین آناسی
کرب وبلاده آدلی سردارین آناسی
غرق نوا و شور و عنینم
عباس آناسی ام البنینم
(یاام العباس)٢
فخر ائتمرم شهبانوی شاه حجیزم
فخر ائتمرم بوخلق آراسیندا عزیزم
فخریم بودور اولاد زهرایه کنیزم
اولدوم کرمدن زینب زارین آناسی
من شاکر رب العالمینم
عباس آناسی ام البنینم
(یاام العباس)٢
دورد اوغلومی من ایلدیم راهی جهاده
هر دوردی تاقربان اولونسون بیرمراده
هرتک تکین ئولدوردی اعدا کربلاده
اولدوم شهیدان وفادارین آناسی
من مکتب اسلامه معینم
عباس آناسی ام البنینم
(یاام العباس)٢
بادصبا سویله اوفخرالناسه گلسون
کرب وبلاده وئر خبر عباسه گلسون
قولسوزبالام معناده بزم یاسه گلسون
جان اوسته دی سویله سپهدارین آناسی
گوز یولدیام زار و دلغمینم
عباس آناسی ام البنینم
(یاام العباس)٢
کرب وبلانین تاائشیتدیم ماجراسین
تاجان وئرونجه آشمادیم باشیم قاراسین
سالدوم یادا عباسیمین گوزده یاراسین
هی اوخشادوم ئولسون اوبی یارین آناسی
من بی بنینم _زار و حزینم
عباس آناسی ام البنینم
(یاام العباس)٢
آخشام لار ائوده اگلشوب یاس ساخلادوم من
ای وای حسینیم وای دیوب دیل داغلادوم من
اوغلانلاریمدان چوخ حسینه آغلادوم من
چون آغلاسون یوخدی اوسالارین آناسی
من سوگوار سلطان دینم
عباس آناسی ام البنینم
(یاام العباس)٢
هردن ده سسلردوم یارالی جان ابوالفضل
جانیم او خردا قبروه قربان ابوالفضل
آی آدی سقا جان وئرن عطشان ابوالفضل
چشم انتظارون قالدی قیزلارین آناسی
اهل حرمدن من شرمگینم
عباس آناسی ام البنینم
(یاام العباس)٢
- سه شنبه
- 30
- بهمن
- 1397
- ساعت
- 13:47
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه