قلبیم داریخدی سعی و صفادن دئیون منه
بیر آز حدیث مهر و وفادن دئیون منه
تعریف ائدین دوباره منه عشق گلشنین
حال و هوای کرب بلادن دئیون منه
ام البنین آدیلا خطاب ائتمیون منی
قالدیم اوغولسوز آه و نوادن دئیون منه
هر چند ائشیدمیشم بو سفر ماجراسینی
یولاردا رنج و ظلم و بلادن دئیون منه
دیلده گرک دی سوز شراریم آزالماسین
تئز تئز گلون او غملی فضادن دئیون منه
توصیف ائدین شجاعت و ایثار و عشقینی
بیر بیر او با وفا شهدادن دئیون منه
یعقوب تک عومور بویی من آغلیام کرگ
پیک اجل گلینجه بُکادن دئیون منه
زهرا نشانی یوسفیمین کوینگین وئرین
هر صبح و شام قانلی قبادن دئیون منه
مطبخ سرا حکایتینی آچمیون ولی
نوک جداده ذکر و دعادن دئیون منه
سوز عطشله داغلاماقا داغلی قلبیمی
دریا یانیندا تشنه فدادن دئیون منه
شرمنده اولدی مشکینی حفظ ائیلینمدی
مشکین دلن او تیر جفادن دئیون منه
قولار بدنده اولمادی شمشیری ساخلاسین
ایوای منه باشیندا یارادن دئیون منه
قالسین هله ندن بالامین خردا قبری وار
پرچم الینده قد رسادن دئیون منه
قربان حسینه اولدی بالام چاتدی عزته
میقات عشق و کوی منادن دئیون منه
قالدی گوزوم یولوندا ولی گلمدی بالام
اولدوم وطن غریبی صبادن دئیون منه
چوخ ذکر ائدین حسینیله عباسیمین آدین
کوی بلاده سلم و رضادن دئیون منه
ششگوشه قبرین حسرتی دلدن توان آلیر
قبرینده عالی نقش و نمادن دیون منه
طوی گورمین جوانلاری تئز تئز سالین یادا
اللرده کی صفالی حنادن دئیون منه
عبداللهین گوزوندن آخاندا سرشک غم
دردیم چتین اولوبدی دوادن دئیون منه
عومروم نقدر اولسا یانیب سینه داغلارام
سیز پاره پاره مشک و لوادن دئیون منه
مدهوش ائدیر اورکلری عباس محنتی
کان کرم دی لطف سخادن دئیون منه
- سه شنبه
- 30
- بهمن
- 1397
- ساعت
- 13:48
- نوشته شده توسط
- ابوالفضل عابدی پور
- شاعر:
-
محمد هوشمند
ارسال دیدگاه