الهی گوللریم تالاندی
غمیم غم اوستونه قالاندی
اجل پیاله سی جالاندی
ئولورم من
سرای عشقیمه گلر یوخ
گئدن لریمنن هئچ خبر یوخ
بالالاریمنان هئچ اثر یوخ
یانیرام من
نئجه کی دورد اوغولدان الله
گله ئولوم نشانی ناگاه
قالیب بساط غمده بیر آه
یانیرام من
ئولوم دمین هوسلرم من
اجل سینمده بسلرم من
جانیم چیخینجا سسلرم من
بالام ایوای
اورک دولی نواسی یالقیز
ئولومدی غم دواسی یالقیز
قالیب بنین آناسی یالقیز
یانیرام من
منیم صفای عالمینیم
خوشام کی دورد نور عینیم
اولوب سنه فدا حسینیم
سنه قربان
اولوبدی روحیم عشقیوه بذل
سن ای یم کرامت و فضل
هایاندا قالمیسان ابالفضل
ئولورم من
- سه شنبه
- 30
- بهمن
- 1397
- ساعت
- 13:56
- نوشته شده توسط
- ابوالفضل عابدی پور
- شاعر:
-
سعید حضرتی (هاتف)
ارسال دیدگاه