خداحافظ ای سپاه دین
سرسپاهی یاعباس
فنا جهاندا آناسینون
عزّو جاهی یاعباس
قهرمان ابالفضلیم(۲)
آنون ئولور ای ولی حق
یادگاری یاعباس
بلاچونده حسینین ای
جان نثاری یاعباس
هرایه گل ای آناسینین
افتخاری یاعباس
حریم مهر و محبتین
جلوه گاهی یاعباس
قهرمان ابالفضلیم
هرایه گل باشیم اوستونه
نخل غم سالوب سایه
مدینه نی تنگ ائدوب منه
دشمن فرومایه
فراق اودوندا یانار یانار
رهسپارم عقبایه
گل ایندی تاپشیر مزاره بو
بی پناهی یاعباس
قهرمان ابالفضلیم
خبرکی چاتدی حسینیمون
جان نثاری سن اولدون
دیار محنتده زینبین
غمگساری سن اولدون
اوچولده تشنه اوشاقلارین
شرمساری سن اولدون
اوجالدی عرشه اوشاقلارین
سوز آهی یاعباس
قهرمان ابالفضلیم
اگرچی ای قهرمان اوغول
اولمادیم او مأواده
سواوسته دوغراندی پیکرون
عرصه گاه دعواده
قیامت اولدی باجون دیور_
دی اوقانلی صحراده
سپهر عزّو کمالین ای
مهر و ماهی یاعباس
قهرمان ابالفلضیم
گئجه گونوز باغریقان آنون
لعنت ایلر اعدایه
دیاریثربده باشیمی
سالدیلار کی غوغایه
نوای جانسوزیم آی بالا
چیخدی عرش اعلایه
اولوبدی سیل سرشکیمون
غم گواهی یاعباس
قهرمان ابالفضلیم
- سه شنبه
- 30
- بهمن
- 1397
- ساعت
- 14:40
- نوشته شده توسط
- ابوالفضل عابدی پور
- شاعر:
-
مژده اردبیلی
ارسال دیدگاه