ئولورم باشیم اوسته تئز گل
دین حقه فدا اباالفضل
بیرده ام البنین آنوون
حاجتین قیل روا اباالفضل
ایستورم کام آلام او جاناننان اولم
ماه رخساروی گورم آننان اولم
اباالفضلیم ...
دورد اوغول شیره جانیمدان
بسلدیم شوقیلن جهان دا
هاموسین دین حقه ویردیم
فخریله جلوه گاه جان دا
سسلورم دلبر بو دلخسته گله
دورد اوغولدان بیری باشیم اوسته گله
اباالفضلیم ...
رو به قبله اورک پریشان
دوشموشم بستریمده اوغلوم
پر ویرور طائر اجل ده
گورنه دور و بریمده اوغلوم
آز قالور عمریمون گلستانی سولا
هارداسان هی باخور گوزوم ساغا صولا
اباالفضلیم ...
هر ئولن خوشدی اولادینان
آخرین دم دییب دانیش سین
هر آنا ئولسه تابوتوندان
خوشدی اوغلانلاری یاپیش سین
ائللریم هامّوسی منی گوزدن آتیب
ارشد اوغلومدا نهر علقمده یاتیب
اباالفضلیم ...
- سه شنبه
- 30
- بهمن
- 1397
- ساعت
- 18:45
- نوشته شده توسط
- ابوالفضل عابدی پور
- شاعر:
-
ودود آذرین خلخال
ارسال دیدگاه