ای حسین اوغلوما یاور اوغلوم
صاحب رتبه سرلشگر اوغلوم
دیده گریانم ام البنینم
سالموشام من قرا معجر اوغلوم
عامل عهد و پیمان اولوبسان
حافظ دین قرآن اولوبسان
فاطمه اوغلونون محضرینده
افتخاریمدی قربان اولوبسان
کُر::
ساق گوزوندن
جاری اولموش
قان اباالفضل
جان اباالفضل
جان اباالفضل
جان اباالفضل
مرحبا عشقیدن دم ووروبسان
لشکر کفری برهم ووروبسان
گوستروب کربلاده شجاعت
قورخمیوب نهره پرچم وووربسان
ایچمدون نهر علقم سویوندان
اولمادی لبلرون نم سویوندان
ایچمزیدون همان گون حسین سیز
حاضر اولسیدی زمزم سویوندان
ساق گوزوندن
جاری اولموش
قان اباالفضل
جان اباالفضل
جان اباالفضل
جان اباالفضل
نخلزاره گلوب یول سالوبلار
فی المثل سرویدن خول سالوبلار
گئتمه سین مشکیده سو خیامه
پیکروندن ایکی قول سالوبلار
قارووی باشیمه باغلارام من
یاسووی هر زمان ساخلارام من
گورسم هر یرده قامتلی سردار
سرو تک قدّووه آغلارام من
ساق گوزوندن
جاری اولموش
قان اباالفضل
جان اباالفضل
جان اباالفضل
جان اباالفضل
آغلیور بو ملک منظر اوغلون
گون باتاندا سنی ایستر اوغلون
اگلشر ائو بوجاقینده محزون
گَل بابا گَل بابا سسلر اوغلون
ای حسین اوغلوما یاور اوغلوم
صاحب رتبه سرلشگر اوغلوم
دیده گریانم ام البنینم
سالموشام من قرا معجر اوغلوم
ساق گوزوندن
جاری اولموش
قان اباالفضل
جان اباالفضل
جان اباالفضل
جان اباالفضل
- سه شنبه
- 30
- بهمن
- 1397
- ساعت
- 19:18
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه