• جمعه 10 فروردین 03


شعر ترکی زبانحال حضرت زینب (س) با حضرت ام البنین (س) در ارائه گزارش وقایع کربلا -(کربلادن یثربه یوللاردا گریان گلمیشم)

1013

کربلادن یثربه یوللاردا گریان گلمیشم
اوردا یا ام البنین باغریم اولوب قان گلمیشم


زینبم من،سن خبر آلدون او محنتدن دئدیم
بیر چوخور یرده او بیر قانلی شهادتدن دئدیم
باش کَسنلردن دانشدیم هم ده غارتدن دئدیم
کربلادن من دانشدوقجان سن اولدون خونجگر
سن هئچ اؤز اوغلاناروندان آلمیورسان بیر خبر


عرض قیلدی پُر بها دُرّ دمِشقیمدور منیم
عشقیده مَشق ایلمک عرفانی مَشقیمدور منیم
دوزدی که اوغلانلاریم عالمده عشقیمدور منیم 
من حسینچی عاشقم آگاهم عشقین عُرفینه
یکسره اوغلاناریم قربان اونون بیر زُلفینه


سن دئدون ئولدوردیلر اوغلوم حسینی، هاکذا 
منکه باور ایتمورم صورت تاپوب بو ماجرا
قارداشی قارداش یانیندا ئولدورنمزلر بالا
گر رکابی اولسا انگشتر یِره سالماز قاشین
قارداشی عباس اولان شخصین کسنمزلر باشین


کوفه نین اهلی بو تعریفاتیلن ناکسدیلر
صرصره بنذر حسینون گلشنینده اَسدیلر
زینبیم آیا حسینون باشین عطشان کسدیلر؟
مغرب مقتلده گون باتجاق چیخاردی اولدوزوم
پس یامان گونده منیم عباسیم هاردیدی قزیم؟


زینب عرض ایتدی ننه  احساسیمی آلما خبر
شمر گلجک مقتله عباسیمی آلما خبر
گلمگه امکان یوخودی یاسیمی آلما خبر
ایلیوب شق القمر اول ماهی بولدور میشدیلر
چون حسینوندن قاباخ عباسی ئولدورمیشدیلر


جنگ بدرین انتقامین کربلاده آلدیلار
مرکبین اوستن یخاندا اوغلوا اَل چالدیلار
تلین اوستونن باخیردیم، قوللاریندا سالدیلار
قولسیزا اوچی جماعت یاره یوزدن ووردیلار
هم سو مشکین هم اوزون بیر اوخدا گوزدن ووردیلار


هارداسان اوغلوم دیوب یثربده گلمه شیونه
یادگاری، قارداشیمنان خونجگر اولما ننه 
هم سو مشکین همده قانی پرچمین گتدیم سنه
پرچمین یثربده وئر عبدُلله آلسون چیگنینه
اِئوده عباسین یرین اوز اوغلی دولدورسون سنه


سَرویدن آیا نجور نقل ایلیوم آیریلدی خُول
قطع اولوب بو پرچمه خاطر فراتین اوسته قُول
ساغ قولی دوشدی نجه اونّان برابر اولدی سُول
مشکینه بیر اوخ وروب،قلبین ولی یاندردیلار
وردیلار آهن عمودیلن باشین  سیندیردیلار


قورتار ای (مجنون) که اولدی نیسگیل اشعارون چتین
پرده غیبتده شاهددور خودروح الامین
حضرت صاحب زمان گوز یاشین اندردی یقین
نیّتون تعجیل در اَمر فرجده اولسا گر
حضرت ام البنینون روضه سینده واراثر


  • سه شنبه
  • 30
  • بهمن
  • 1397
  • ساعت
  • 19:26
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران