• جمعه 10 فروردین 03


متن شعر ترکی زبانحال حضرت ام البنین (س) -(غیرتلی پرچمدار دین، یا ابا فاضل)

1025
1

غیرتلی پرچمدار دین، یا ابا فاضل
جان اوسته دی ام البنین، یا ابا فاضل 
 کربلا اصلانی
قوللارون قربانی 



گل هارداسان جان اوسته یم، مهربان اوغلوم
حالیم یاماندی ناخوشام، قهرمان اوغلوم
تئز گل اوجا قامت بالا، پهلوان اوغلوم
پور امیرالمؤمنین، یا ابا فاضل 



گولدن گوزل آیدان ایشیق، منظرون قربان 
انّی اُحامی سسلین، لبلرون قربان
نهر فرات اوسته دوشن، اللرون قربان
اولدون علمدار امین، یا ابا فاضل 



سال بیر گذارون یثربه، کربلا شیری 
آل عبا سقّاسیسان، تشنه لر میری 
جرعه سووا مهمان ایله، مادر پیری
عطشانم و زار و حزین، یا ابا فاضل 



کیم گورسه پوزقون حالیمی، سینه سون داغلار 
ای وای بالام وای سسله سم، عرش و فرش آغلار 
سن گلمه سن بو گوزلری، ایمدی کیم باغلار 
عبدالله اولدی دلغمین، یا ابا فاضل 



برج وفاده سیر ائدوب، آی کیمی باتدون
دریای غیرت ساحلِ، نهریده یاتدون 
اولما گوزوندن بو قوجا، مادری آتدون 
عشقون منه حبل المتین، یا ابا فاضل 



من آتش هجرانیوه، یاندوم اودلاندوم 
نار غمینلن اود دوتوب، هی الولاندوم 
کنج بقیعده عشقیوه، آغلادوم یاندوم 
گل ای امیرالعاشقین، یا ابا فاضل 



ای عترت پیغمبرون، یار و غمخواری 
کربُ بلا سالارینون، تشنه سرداری 
مولا حسینون جان بکف، صف شکن یاری 
فرزند فتّاح حنین، یا ابا فاضل 



ای زادۀ مشگل گشا، دوشموشم درده 
عفو ایله بو درد دلیم، اولدی بی پرده 
قویما ایشیم دوشسون منیم، مرد و نامرده 
محبوب ربّ العالمین، یا ابا فاضل 



ای قوللاری تندن قلم، آی ابوالفضلیم 
باب الرّجاسن ذوالکرم، آی ابوالفضلیم 
آچ باشیمون اوسته علم، آی ابوالفضلیم 
اولدی آنان نقش زمین، یا ابا فاضل 



اوغلوم سنه بو نوحه نی، یازدی بیر شاعر 
ایله کرم بو نوکره، سن منه خاطر
اولسون #حبیبی سائلون، قبریمه زائر 
سسلر یل ام البنین، یا ابا فاضل



  • سه شنبه
  • 30
  • بهمن
  • 1397
  • ساعت
  • 19:31
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 456.99 KB
تعداد بازپخش 37
تاریخ بارگذاری سه شنبه 30 بهمن 1397 12:32
عنوان : به این سبک اجرا شود
حجم فایل 732.24 KB
تعداد بازپخش 25
تاریخ بارگذاری سه شنبه 30 بهمن 1397 12:33
عنوان : به این سبک اجرا شود

ارسال دیدگاه



ورود با حساب گوگل

ورود کاربران