لطف ایدوبدی معبود
بوگون اولدون مولود
آنان اولدی خوشنود
بالام یات لای لای
روحومون صفاسی
پیغمبر بالاسی
درد لرین دواسی
بالام یات لایلای
آتاویدیم همسر اولدوم آخرمادر
گلدون منه دلبر ای تازه مولود
سن ملک منظرسن طاهایه بنزرسن
زهرای اطهرسن کعبۀ مقصود
سینم اوسـته آلارام بشیگیوه سالارم
لایلایوی چالارام هدیه ی معبود
عمرومه سرمایه عزّتیمه مایه
مونس و همسایه بالام یات لایلای
هانیه رشیده حوریّه فریده
رئوفه وحیده طیّبه زهرا
مرضیه معصومه سلیمه کریمه
صدوقه علیمه مؤمنه عذرا
منصوره مهدیّه مقهوره نوریّه
حبیبه صفیّه کوثر و حورا
طاهره فاضله صابره جلیله
نقیّه جمیله بالام یات لایلای
کعبۀ دلها سن آیت عظما سن
امّ ابیها سن همسر حیدر
میوة طوبا سن عصمت کبرا سن
هیکل تقوا سن جان پیغمبر
عمرومون ثمری اولدوزلارقمری
رسولون دختری محبوب داور
منه بیرصود امرشفیعة محشر
بش بالیه مادر بالام یات لایلای
سنی ایستور آنان چوخ هله سیلی ویرا ن یوخ
اوچ پراوخی آتان یوخ ایتموبله خسته
درگهون یاناندا محسن سقط اولاندا
حسینون باخاندا آغلارآهسته
قلبیمون پاراسی گوزومون قاراسی
سینه ده یاراسی پهلو شکسته
درو دیوارآرا گل چمن آرا
قویمازلا قول قالخا بالام یات لایلای
عرش حق زیوری تابنده اختری
مولانون همسری زهرای اطهر
حسنینه مادر حبیبه ی داور
منه سنسن دلبر دخت پیمبر
ای گل نوبریم طاهایه بنزریم
آغوشه زیوریم بانوی محشر
سینمه قوی با شون گریوخدی قارداشون
چوخ توکمه گوز یاشون بالام یات لایلای
منبع هدایت گلشن امامت
سنله تاپار طراوت ها دی ملل
ای خدیجه مارالی شمس وقمرمثالی
آی تک اولان جمالی قوجا قیمه گل
آغلاما چوخ اماندی صبریم منیم تالاندی
دنیا قیزیم یالاندی بیرآزدا دینجل
(عدلیه)ایت عنایت کان ادب دیانت
قبرون ایده زیارت بالام یات لایلای
- سه شنبه
- 7
- اسفند
- 1397
- ساعت
- 12:4
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه