• پنج شنبه 9 فروردین 03

 ولی الله کلامی زنجانی

شعر ترکی میلادیه حضرت زهرا سلام الله علیها -(شب میلاد زهراده فلک ملک سرور اولدی)

666
1

شب میلاد زهراده فلک ملک سرور اولدی
چخوبدی مکه ده گون تک مدینه غرق نور اولدی

کُر::
ولادت مژده سی
دییر روح الامین
مبارکدورحسن
مبارکدور حسین



زمان وضع حملینده خدیجه قالدی چون تنها
قریش عورتلری بیت رسوله گلمدی اصلا
بهشتدن آسیه حوّا گلوب هم مریم و سارا
اوزاقدان آشنا گلدی یاخون بیگانه دور اولدی


یتور ای قاصد رحمت بشارت کلّ ساداته
ازل مهدیّ موعوده صورا اهل مواساته
گوزآچدی عالمه زهرا حقیقت یتدی اثباته
یگانه زهرهٔ عصمت چخا وقت ظهور اولدی


اگر اوصاف زهرانی دوتام تصمیم ائدم انشا
گرک یرلر اولا کاغذ مرکّب بی کران دریا
آدی قرآندا کوثردی که طاهایه اولوب اعطا
اونا ابتر دیینلر تا بونوری گوردی کور اولدی


الیکه یرمی گون گئچدی جمادی الثانی آیندن
منادی اهل دنیایه ندا وئردی مدایندن
بو آیدا گویده کی آی گون اوتاندی عصمت آیندن
خدیجه قول قناد آچدی ائوی چون کوی طور اولدی


همان جمع محبتده یانان شمع کسادور بو
همان امّ ابیها دست طاهایه عصادور بو
همان امّ الائمه حضرت خیرالنسادور بو
بتولین گرد راهی توتیای چشم حور اولدی


توسل ایلسه هرکیم او نور چشم طاهایه
آلار هر حاجتی اولسا قسم معبود یکتایه
مقامی چوخدی مریمدن آنادی اون بیرعیسایه
که زهرا مورد لطف خداوند غفور اولدی


گلون یاران دوتاق جشن تولد عید زهرادور
او تابان زهریه زهرا نه اسم با مسمّادور
بقیعده بیر چراغ یانمور «کلامی» بونه دنیادور
ندن بیر بیله امتدن جفا اولدی قصور اولدی



  • سه شنبه
  • 7
  • اسفند
  • 1397
  • ساعت
  • 20:16
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 481.15 KB
تعداد بازپخش 43
تاریخ بارگذاری سه شنبه 7 اسفند 1397 13:17
حجم فایل 535.71 KB
تعداد بازپخش 17
تاریخ بارگذاری سه شنبه 7 اسفند 1397 13:18
حجم فایل 402.40 KB
تعداد بازپخش 12
تاریخ بارگذاری سه شنبه 7 اسفند 1397 13:19
حجم فایل 338.55 KB
تعداد بازپخش 10
تاریخ بارگذاری سه شنبه 7 اسفند 1397 13:20

ارسال دیدگاه



ورود با حساب گوگل

ورود کاربران