وصفه گلمز عالمده شان و جلال زهرا
رشک ایدر مقامونده مینلر سپهر مینا
ختم الانبیا حیدر و کل کایناتون
خلقتونده اولدی دلالت بتول عذرا
زهرای اطهر ای بانوی دو عالم
جان پیمبر ای نور چشم خاتم (۲)
برج عصمته فاطمه ماهتاب عزت
چرخ عزته کفوی دور آفتاب غیرت
دستخط قدرت یازوب شان و رتبه سینده
ذات پاکینه سوره کوثری دلالت
زهرای اطهر ای بانوی دو عالم
جان پیمبر ای نور چشم خاتم (۲)
ماتمونده واردور یری آغلاسون قان آفاق
بزمیلرده باش قاره سی باغلاسونلا عشاق
حمدلله اولدوخ خانم فاطمه غلامی
حاش لله عالم بولر دونسون عهد و میثاق
زهرای اطهر ای بانوی دو عالم
جان پیمبر ای نور چشم خاتم (۲)
اهل کینه قلبین سیخبدور گتوردی درده
دویدی زندگیدن خانم اولدی دل فسرده
قدر و قیمتی قبری تک حیف اولوبدی گیزلین
گرد غصه آئینه سی اوسته چکدی پرده
زهرای اطهر ای بانوی دو عالم
جان پیمبر ای نور چشم خاتم (۲)
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
توکدی گوزیاشی آغلادی لیل و هم نهاری
طاقتون الیندن آلوب درد بیشماری
الده آغلیار خامه گر شرح مطلب ایتسم
کوچه ده اولان حالت تلخ و ناگواری
دوشدی ایاقدان حالی مکدر اولدی
دردی چوخ اولدی گول تک سارالدی سولدی
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
هر فریضه سینده اولوم ایستدی خدادن
جانه دویدی آز عمریده رنج و ابتلادن
شمع تک اریتدی غم و غصه لر وجودون
ضرب سیلینی یوزده گیزلتدی مرتضادن
دوشدی ایاقدان حالی مکدر اولدی
دردی چوخ اولدی گول تک سارالدی سولدی
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
حیدره ایدوب بیر گونی یانه یانه صحبت
یا علی گل اگلش سنه وار نچه وصیت
جان فاطمه آغلاما سالما قلبه محنت
غم یمه اولونجه منم حامی ولایت
بو غملی دیلدن رفع غم و ملال ایت
گل جان زینب حقون منه حلال ایت
یانام چاغورام ایوای یارالی زهرا
غم بزمی قورام ایوای یارالی زهرا (۲)
گر چه تیر محنت ایدوب قلبیمی نشانه
بیر سنه امیدیم گلور باخما یانه یانه
گوز گوتورمه قویما یانوب آغلاسون یتیملر
خاصه زینبون اول سولان زلفون ایله شانه
بو غملی دیلدن رفع غم و ملال ایت
گل جان زینب حقون منه حلال ایت
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
بو حسینیمه یا علی آرتیخ ایله رافت
جان حسینیمون جان سنون ایله چوخ محبت
آگهم بالامی کومکسیز سوسوز یارالی
اولدورلله چوخ ظلمیله قوم بی مروت
دشت بلانی باهم گیدوب دولانوخ
گودال ایچونده القانینه بویانوخ
بو غملی دیلدن رفع غم و ملال ایت
گل جان زینب حقون منه حلال ایت
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
بانی شعریمه مادح صاف و بی ریادی
«مجتبای ایرانی» دور پاک و باصفادی
حفظ ایله وجودین خدا دهریده فتندن
هم مرید و هم عاشق آل مصطفی دی
بزم عزاده شوریله سینه داغلار
زهرا غمونده اشکین عذاره باغلار
بو غملی دیلدن رفع غم و ملال ایت
گل جان زینب حقون منه حلال ایت
یانام چاغوررام ایوای یارالی زهرا
غم بزمی قوررام ایوای یارالی زهرا (۲)
- چهارشنبه
- 8
- اسفند
- 1397
- ساعت
- 19:52
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه