ای بضعۀ پیغمبر یافاطمةالزهرا
حق حجتینه همسر یافاطمةالزهرا
دریای سعادتده بیر گوهر یکتاسن
دنیا اولا گر قطره سن وصفیده دریاسن
دشمن گوزی کوراولسون طاهاقیزی زهراسن
آدون قویانا رحمت صدیقه کبراسن
شأنونده گلوب کوثر یافاطمةالزهرا
یر نورینی اخذ ایلر واضحدی که گویلردن
بی شبهه آلار نورین شمس و مه واختردن
اما بو روایت وار اولاد پیمبردن
که فاطمه نون نوری عرشه اوجالوب یردن
وار کیمده بو شوکتلر یافاطمةالزهرا
سن نورعلی نورسان چون پاکدی اجدادون
پیغمبر رحمتدی هر جنبه ده استادون
آدم یوخودی گویده حک اولموشیدی آدون
دنیایه امام اولدی دوز سوت امن اولادون
ای پاکترین -مادر- یا فاطمه الزهرا
اوصافیوی کاتبلر هرقدری یازا کمدی
دریای جلالتسن دنیا ولی بیر نمدی
یوخ فرقی که عالمدی جاهلدی معممدی
کیم حقیوی غصب ایلیوب مأواسی جهنمدی
عفو اولمیاجاق کافر یافاطمةالزهرا
خالق سنی خلق ایتدی انوار مطهردن
پیغمبره امر ائتدی دوری ائده همسردن
قرخ گون که اروج دوتدی ذکر ایلدی ازبردن
قرخینجی گون افطارین گوندردی ملک لردن
مهمان ائلیوب داور یافاطمةالزهرا
حرمتله اولوب اول جبریل او شهه نازل
عرض ائتدی خدا لطفین ایلور حالیوا شامل
باشینده طبق ناگه میکائیل اولوب داخل
عرض ائتدیله میل ایله پیغمبر اولوب مایل
افطار ائدوب اول سرور یافاطمةالزهرا
دنیایه گلن لحظه سن مادر کبرادن
اولمادی ائدن یاری محدوده بطحادن
یاورلری گوندردی حق عرش معلادن
خدمتده گلوب مریم ،سبقت آلا سارادن
اطرافیده حوریلر یافاطمةالزهرا
سن گلشن اسلامه گل مثلی صفا وئردون
مومنلره عالمده چون درس وفا وئردون
اوغلانلاریوی بیربیر اسلامه فدا وئردون
محسن بالاوی اول در راه خدا وئردون
گل مثلی اولوب پرپر یافاطمةالزهرا
- چهارشنبه
- 8
- اسفند
- 1397
- ساعت
- 20:32
- نوشته شده توسط
- ابوالفضل عابدی پور
- شاعر:
-
علی پور آقا
ارسال دیدگاه