امام رضانون محمد اوغلی گوز آچدی دنیایه
ملقّب اولسون جواده ویرسون جهانه پیرایه
دیون رضایه گوزلرون آیدین رضا رضا جانم
ایچون پیاپی می ولایت جهان بهاراندی
گل امامت آچوبدی شادان شه خراساندی
بو لطف داور امامه یاور آتایه چون جاندی
مژده ویرولسون یاتان بقعده آناسی زهرایه
ایدوبدی روشن اوگل جمالی جهانی نورانی
اولوبدی بلبل گل اوسته مستی ایدورغزلخوانی
ایدوب رضانون ایوین بومولود نورینه نورانی
گوزل قدومی ویروبدی به به جهانه پیرایه
بوگل خوشبوملک خو مَه رو بیرگل رضواندی
باشیندا شوری یوزونده نوری ماه درخشاندی
مظهر مهرو داروی درد و شفا و درماندی
احسن و احسن روح تولاکعبۀ دلهایه
آچوبدی بیرگل اولوب بهاران چمندی گلشندی
باغ ولایت گل امامت نرگس و سوسندی
قدومی ایلوب اولوب منور مدینه روشندی
جاه و جلالی قرص هلالی سالوبدی چون سایه
شیعیه رهبر عالم برترشرف لی انساندی
مونس هرجان ناطق قرآن مظهر ایماندی
دینینه جانسوزشمع شب افروزیوسف کنعاندی
حسن وجمالی شأن ووقاری چکوبدی طاهایه
مشیرمشاور مدیرمدبّر بسی هنروردی
خطیب ادیب وفقیه فکوروفصیح سخنوردی
علومه استاد ایدندی ارشاد جهانه رهبردی
اودی آناسی ایدر مباهات مریم و سارایه
بساط عیشی ایدون مرتب که جشن اعظمدی
ایکی تولدتاپوب بوگونده که نسل آدمدی
صغیردی اصغر ولی محمد امام عالَم دی
تاپارقریحه یازار مدیحه «عدلی» بو مولایه
- سه شنبه
- 14
- اسفند
- 1397
- ساعت
- 13:11
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه